Aran Noticies

Stay updated with the latest news and information from Val d'Aran right now.

Local

Catalan, Occitan, Spanish

Online/Digital

Outlet metrics

Domain Authority

Ranking

Global

#8818991

Country

N/A

Articles

Prumèra edicion de “Gustaran” tara promocion dera gastronomia aranesa

3 weeks ago | arannoticies.com | Kiku Sanchis

Eth pròplèu dissabte 14 de junh entà meddia aurà lòc era prumèra jornada gastronomica de promocion dera codina aranesa a cargue de restaurants dera Val d’Aran en marc der Hestau “TerSon. Eth Son dera Tèrra”. Era jornada s’emmèrque tanben enes actes previsti en Aran laguens dera “Region Mondiau dera Gastronomia” prebotjada pera Generalitat de Catalunya.
Eth Conselh Generau d’Aran reclame garantir era seguretat ena N-230

3 weeks ago | arannoticies.com | Kiku Sanchis

Era sindica d’Aran, Maria Vergés, s’a adreçat per carta ath ministre de Transpòrts, Mobilitat e Agenda Urbana der Estat, Óscar Puente, entà demanar damb caractèr urgent era milhora dera seguretat n’aguesta via atau coma que s’agilizen es trabalhs de melhora e adequacion previsti.
Incendi en un immòble residenciau en Bagergue

3 weeks ago | arannoticies.com | Kiku Sanchis

Ager dimenge maitin, ath torn des 6:00 ores, se produsic un incendi en un atic plaçat ena planta superiora d’un immòble plurifamiliar deth numèro 5 deth Camin Pessòla, en pòble de Bagergue. Eth huec s’originèc en un des àtics e s’espandic parciaument tà ua auta unitat dera madeisha planta. Es trabalhs d’amortar eth huec, encara que efectius, an causat perjudicis per filtracions d’aigua en diuèrses viuendes des plantes inferiores.
Eth plen der Ajuntament de Vielha e Mijaran apròve era suspension temporau des concessions de licéncies des abitatges d'us toristic (AUT)

4 weeks ago | arannoticies.com | Kiku Sanchis

Aguesta mesura servís entà qu’eth consistòri pogue adaptar era sua normatiua urbanistica en aguest ahèr ath decrèt lei 3/2023 dera Generalitat de Catalunya de mesures urgentes sus eth regim urbanistic des abitatges d’us toristic. Aguesta suspension empedís era concession des licéncies ad aguest tipe d’abitatges pendent un an. Eth plen der Ajuntament de Vielha e Mijaran, amassat en session ordinària, a aprovat era suspension des abilitacions administratiues as abitatges d’us toristic (AUT).
Er Ajuntament de Les amie a tèrme es òbres d’adecuacion der hilat d’aigua ena zòna deth cementèri

1 month ago | arannoticies.com | Kiku Sanchis

Dejà an començat en Les, es òbres d’adecuacion e reparacion des collectors der hilat d’aigua ena zòna deth cementèri. Aguesti trabalhs abarquen er airau de darrèr deth cementèri enquia er airau de Cafisa entà Escamun. Ei previst qu’es òbres s’amien a tèrme en un plaç de 3 mèsi. Eth projècte ei financiat damb ua subvencion dera Deputacion de Lleida. Foto: Ajuntament de LesSe tracte d’ua intervencion estructurau plan importanta.
Era Val d’Aran presente era “Ruta Selfie” damb nau punts estrategics despartidi peth territòri - Aran Noticies - Noticias de la Val d'Aran, Vielha y Baqueira y Pirineos

1 month ago | arannoticies.com | Kiku Sanchis

Era Val d’Aran compde damb un nau esturment de promocion toristica: era Ruta Selfie, un recorregut format per nau punts estrategics despartidi per tot eth territòri, equipadi damb supòrts dessenhadi entà hèr fotografies damb eth telefonet e plaçadi en punts de facil accès e segurs.
Bagergue se convertís en un espaci cardioprotegit gràcies ara installacion d’un DEA e a ua formacion en prumèrs ajuts

1 month ago | arannoticies.com | Kiku Sanchis

Era Entitat Municipau Descentralizada (EMD) de Bagergue a installat un desfibrillator extern automatic (DEA) en parcatge d’entrada deth pòble damb er objectiu de reforçar era seguretat deth pòble e garantir ua responsa rapida e eficienta en cas d’emergéncia cardiaca. Aguesta accion vò dotar eth pòble d’un recurs essenciau entà poder actuar rapidament en situacions critiques, especiaument en entorns de montanha a on es servicis d’emergéncia pòden tardar en arribar.
Iniciades es òbres deth District Heating de Naut Aran

1 month ago | arannoticies.com | Kiku Sanchis

Er Ajuntament de Naut Aran a iniciat aguesta setmana ena zòna dera aubèrja de Salardú es òbres entara creacion deth District Heating, eth sistèma de calor que foncionarà damb biomassa extrèta des bòsqui dera Val d’Aran e que servirà entà poder cauhar equipaments publics d’ua forma mès eficienta e sostenible. Damb aguesta accion, eth consistòri mòstre eth sòn compromís damb es energies renovables e verdes e damb eth sòn objectiu de trabalhar pera eficiéncia energetica.
Vielha e Mijaran a inscrit un solar ena prumèra convocatoria dera resèrva publica de solèr dera Generalitat de Catalunya, damb capacitat entà ua setantia de viuendes protegides - Aran Noticies - Noticias de la Val d'Aran, Vielha y Baqueira y Pirineos

1 month ago | arannoticies.com | Kiku Sanchis

Aguest solar se trape en parçan dera Tuca (Betren) en ua superfícia totau de 5.260,02 m². Des der Ajuntament de Vielha e Mijaran tostemp i a auut era volontat de facilitar e méter es solars a disposicion des administracions publiques e entitats privades entà poder-i bastir viuenda assequibla. Vielha e Mijaran acabe d’inscriuer un solar ena resèrva publica de solèr dera Generalitat de Catalunya.
Les comence es trabalhs d'ajardinament en municipi

1 month ago | arannoticies.com | Kiku Sanchis

Aguesta setmana an començat es trabalhs d’ajardinament en Les. Damb era arribada dera primauera s’adeqüen es parterres e zònes d’ajardinament damb espècies de flors e arbilhons que s’adapten ara zòna e ath clima dera epòca. Foto: Ajuntament de LesEn aguest sens, tanben s’an encetat es trabalhs de mantenement e contròl dera hèrba e dèishes vegetaus laguens deth pòble. Info e fotos: Ajuntament de Les