El Fielato y El Nora

EL FIELATO and EL NORA is a free weekly newspaper that provides general information. It is distributed in Asturias, particularly in the Picos de Europa Region, the Sidra Region, and the Nora Region.

Local

Spanish

Newspaper

Outlet metrics

Domain Authority

Ranking

Global

#783867

Spain

#21987

News and Media

#1189

Traffic sources

Monthly visitors

Articles

Tampoco d’esta vamos daprender

Nov 4, 2024 | elfielato.es | David M. Rivas

Nun vamos falar de lo que pasara en Valencia, tamién notres dos comunidaes pero lo de Valencia fora particularmente grave. Tampoco vamos falar de la traxicomedia política qu’acabara nos sucesos de Paiporta, seguramente organizaos pola ultradrecha pero que responden a una más que desplicable indignación popular.
Un poco más qu’el puntu penalti

Oct 14, 2024 | elfielato.es | David M. Rivas

La patronal fotovoltaica, una forma mui científica de llamar a los tratantes de residuos, defende que los parques de bateríes se pongan en suelu industrial. Nun paez que seya mester tener grandes conocimientos científicos nin de política tarrentorial pa llegar a esa conclusión. Igual que los purines ganaderos deben ser xestionaos nos espacios rurales, que nun van llevar el mexu los gochos al centru d’Uviéu, la basoria industrial tampoco va dir a un prau de Pion.
Babayaes ensín tasa

Sep 23, 2024 | elfielato.es | David M. Rivas

El debate sobro la tasa turística ye, como suel pasar n’Asturies, un sumatoriu de tonteríes y falsedaes. Vaiga por delantre qu’una tasa nun resuelve los problemes, sinón que ye un instrumentu parcial col que se pretende compensar los costes adicionales de los servicios públicos asociaos al turismu. Esto ye, que tamos delantre d’una midía necesaria anque nun seya suficiente. Nun soluciona les coses pero contribui a les arques públiques pa compensar costes esternos.
Confederación, improvisación, lo que venga

Sep 2, 2024 | elfielato.es | David M. Rivas

Tan mareándomos colo asuntu de la financiación autonómica. Posiblemente les alcordaes ente Esquerra Republicana y PSC-PSOE nun vaigan a denguna parte porque choquen colos llímites constitucionales y, tamién posiblemente, incluso probablemente, que son coses diferentes, sábenlo los socialistes y los nacionalistes catalanes. Pero, seya como seya, da lo mesmo. Lo importante ye caltener esta comedia cola que trataron de poner fin a la traxedia franquista.
Agora un basureru de bateríes

Jul 15, 2024 | elfielato.es | David M. Rivas

Ye más que probable que pongan un parque de bateríes, esto ye, en román paladín, un basureru d’alta contaminación en Villaviciosa, llevando toles papeletes les parroquies de Pión y Castiellu. Vamos ver. El gobiernu d’Asturies tien como principiu, o eso diz el gabinete de Barbón, qu’eses instalaciones, altamente contaminantes, vaigan a suelos yá degradaos, como son los mineros y los industriales ensín usu, les canteres y graveres abandonaes y otros espacios asemeyaos.
Dos coses de Villaviciosa y una de Cangues

Jul 1, 2024 | elfielato.es | David M. Rivas

1. Pretenden poner un parque de bateríes na parroquia de Pion. Ye una barbaridá. Ye comprensible que les bateríes eses hai qu’almacenales en dalgún sitiu, pero, ¿por qué nuna collación rural? Soi vecín de Candanal, un poco más arriba de Pion. Repito: ¿por qué? ¿Porque somos más fatos? Pagamos los mesmos impuestos que los de les ciudaes y villes y nun tenemos servicios. Tampoco los pedimos, que somos bonos p’arreglamos ensín los dirixentes políticos. Pedimos poco pero tamos fartos.
Votar por Europa

Jun 3, 2024 | elfielato.es | David M. Rivas

Esti domingu, 9 de xunu, tenemos elleiciones europées. La participación ye mui mínima polo xeneral. La xente nun se mueve pol parllamentu européu. Ye dalgo incomprensible. Aparte de consideraciones ideolóxiques o sentimentales, la realidá ye qu’el 75 por cientu de les normes que mos afleuten, a tóos nosotros, vien de Bruxelles y d’Estrasburgu. La normativa de telefonía ye europea, la normativa ganadera ye europea, la normativa sanitaria ye europea...
El país de la sala capitular

Jun 2, 2024 | elfielato.es | David M. Rivas

El pasáu sábadu hebo una ceremonia d'homenax a los homes de la Xunta Xeneral que llevantaron la bandera d'Asturies el 25 de mayu de 1808. Les tropes de Napoleón, la mayor fuerza militar de la dómina, avanzaben haza Uviéu. Taba aconceyada la Xunta Xeneral, reliquia de los vieyos fueros y que namás que cuntaba con competencies económiques. Pero, como escribe Pí i Margall nel so llibru "Les nacionalidaes", Asturies viera nella la so representación ya invistiérala colos absolutos poderes de la nación.
Eurovisión

May 13, 2024 | elfielato.es | David M. Rivas

Reconozo que, si me cuadra tar en casa, veo’l Festival d’Eurovisión. Y falo de “reconocelo” porque tal paez que ta mal visto nun home cultu y que va a conciertos de Mozart. Igual ye que lu llevo na memoria reptiliana, de cuando yera neñu y viera a Massiel ganar col so “La, la, la”, que mos ponía n’Europa. Más lluéu dime cuenta que yera un premiu a Franco pol aperturismu económicu y dexar de fusilar tanto. Pero préstame.
Facer enantes de que seya tarde

Apr 24, 2024 | elfielato.es | David M. Rivas

Nes Canaries hai movilizaciones mui numberoses contra la masificación turística, embaxo la consideración de que la teórica riqueza que dexa esi seutor conlleva que les islles tienen les ratios más altes de paru, sueldos baxos y riesgu de probitú. D'otru lláu, l'incrementu'l parque de pisos turísticos obliga a los vecinos a abandonar los sos llugares de residencia. De fechu, los pisos turísticos aumentaron nos últimos dos años nun cuarenta por cientu. ¿Y n'Asturies?