-
Mar 31, 2023 | 
frettabladid.is | Benedikt Bóas Hinriksson
Peysufatadagur Kvennaskólans verður haldinn í dag. Á þessum degi klæðast nemendur íslenskum þjóðbúningum og syngja og dansa úti um borg og bý. Þetta er ávallt mikill gleðidagur og af mörgum fyrrverandi nemendum skólans talinn einn eftirminnilegasti skóladagurinn þegar þeir líta til baka yfir Kvennaskólaárin sín. Í fyrsta sinn í 102 ára sögu peysufatadagsins mun hópurinn heimsækja Þjóðminjasafnið.
-
Mar 30, 2023 | 
frettabladid.is | Benedikt Bóas Hinriksson
Meðhöndlun dýraleifa er í miklum ólestri á Íslandi samkvæmt minnisblaði, sem unnið var af Stefáni Gíslasyni, framkvæmdastjóra Umhverfisráðgjafar Íslands ehf. fyrir Samtök sveitarfélaga á Vesturlandi og Samband íslenskra sveitarfélaga.
-
Mar 30, 2023 | 
frettabladid.is | Benedikt Bóas Hinriksson
Fulltrúar B- og H-lista í framkvæmda- og hafnarnefnd Ölfuss létu bóka að skipulagsleysi um fundartíma tæki út yfir allan þjófabálk. Aðeins þrír fundir nefndarinnar væru búnir að vera á fyrir fram ákveðnum tíma. Þá gagnrýna þau samráðsleysi við meirihlutann. „Við sem sitjum í þessari nefnd fyrir hönd þessara lista, bæði aðal- og varamenn, erum í fullri vinnu og ekki öll í þeirri aðstöðu að geta stokkið til starfa fyrir sveitarfélagið hvenær sem er með stuttum fyrirvara.
-
Mar 29, 2023 | 
frettabladid.is | Benedikt Bóas Hinriksson
Dánarorsök af völdum skotvopna er orðin algengasta dánarorsök bandarískra barna. Fleiri börn látast úr skotsárum en látast úr sjúkdómum eða slysum samkvæmt Bloomberg. Alls hafa 9.870 manns látist á þessu ári af völdum skotsára í Bandaríkjunum samkvæmt Gun Violence Archive, sem er gagnagrunnur um fjöldamorð í landinu, þar af voru 338 flokkaðir sem táningar og 60 sem börn. Það þýðir að fimm hafa dáið hvern einasta dag síðan 2023 gekk í garð.
-
Mar 28, 2023 | 
frettabladid.is | Benedikt Bóas Hinriksson
Bókauppboði Foldar lýkur í dag en um helmingur bókanna er áritaður af höfundum, stundum til annarra höfunda. Í nokkrum tilfella eru ljóð handskrifuð á eintökin með áritun höfunda. Bækurnar gefa góða mynd af helsta kveðskap síðustu aldar. Meðal bóka sem eru boðnar upp eru Kvæðakver Halldórs Laxness og bækur Einars Braga, áritaðar til Hannesar Sigfússonar og Vilborgar Dagbjartsdóttur.
-
Mar 24, 2023 | 
frettabladid.is | Benedikt Bóas Hinriksson
„Lón og Nes hafa engin sameiginleg málefni umfram þorrablót og sauðfé sem ruglast á milli svæða. Því geta Lónmenn eins verið með Öræfingum í félagi og kannski betra þar sem núningur yrði miklu minni,“ segir í ályktun frá aðalfundi Búnaðarfélags Lónsmanna. Lónsmenn mótmæla því að vera settir undir sama hatt og Nesmenn í fyrirhugaðri skipan íbúaráða.
-
Mar 24, 2023 | 
frettabladid.is | Benedikt Bóas Hinriksson
„Fólkið í landinu vill greinilega sjá aðgerðir og þá er undir Alþingi og ríkisstjórninni komið að taka til verks og hlusta á kröfur, ekki bara fatlaðs fólks, heldur þessa stóra meirihluta landsmanna sem telur stöðuna í dag óviðunandi,“ segir Þuríður Harpa Sigurðardóttir, formaður Öryrkjabandalags Íslands, um könnun sem bandalagið lét gera fyrir sig. Mikill meirihluti Íslendinga telur kjör öryrkja ýmist frekar eða mjög slæm og segir brýnt að bæta þau. Gallup gerði könnunina fyrir ÖBÍ.
-
Mar 24, 2023 | 
frettabladid.is | Benedikt Bóas Hinriksson
Kettir í kringum Reykjavíkurtjörn hafa sést á veiðum og drepið kríuunga. Þetta kemur fram í skýrslu um fuglalíf Tjarnarinnar fyrir síðasta ár sem þeir Ólafur K. Nielsen og Jóhann Óli Hilmarsson gerðu. Þar er spurt af hverju kríunni vegni jafn illa og raun ber vitni síðustu ár. Ólafur og Jóhann segja að mögulega skipti mestu máli skortur á sandsílum í sjó við Reykjavík, en afræningjar gætu líka leikið stórt hlutverk. Er þó bent á að minkur lék lausum hala í kríuvarpinu í Vatnsmýrinni í júní 2017.
-
Mar 24, 2023 | 
frettabladid.is | Benedikt Bóas Hinriksson
Alls bíða 104 börn eftir þjónustu Heilsuskólans og er meðalbiðtími 17 mánuðir. Þá hafa 80 börn beðið lengur en þrjá mánuði. Heilsuskólinn þjónar öllu landinu og aðstoðar börn og fjölskyldur þeirra sem eru of feit. Þetta er meðal þess sem kemur fram í upplýsingum sem Umboðsmaður barna hefur safnaðÍ febrúar biðu 105 börn eftir þjónustu göngudeildar BUGL, þar af 50 sem tilheyra transteyminu. Meðalbiðtími var rúmt hálft ár og höfðu 76 börn beðið lengur en þrjá mánuði.
-
Mar 23, 2023 | 
frettabladid.is | Benedikt Bóas Hinriksson
Rannsóknarnefnd samgönguslysa beinir þeirri tillögu til RÚV að yfirfara verklag við gerð veðurkorta. Við rannsókn banaslyss á Suðurlandsvegi austan við Brunná í febrúar í fyrra, þegar vörubifreið með festivagn fauk á hliðina, kom fram að ökumaðurinn hafði horft á veðurfréttirnar í seinni kvöldfréttatíma rétt fyrir slysið.
