Christian Fontaine

3 days ago | temoignages.re | Christian Fontaine

Zistwar Tikok, par Christian Fontaine… zistwar an kréol dann Témoignages -65-25 juin, par Souvandéfoi, n’i lir dann liv ke kréol sé-d’ boug « qui tournent lo dos à la mer ». Sépa si lé vré ! An-touka, po sa par, Tikok st’in marmay k’i inm bon-pé la mer. Malérèzman, li rèt dan lé o, é lé rar li gingn lokazion d’alé. A park, in zour d’ fèt konmsa, kan tout la fami i désid désand an parti dann fon Manapany… Rozman osi po Tikok, li na in kouzin i apel Zervil, li lé pésèr, é li rèt la Tèr-Sint.

1 week ago | temoignages.re | Christian Fontaine

Tou-lé-zan, dann moi zanvié-févrié, Tikok i sa rod gèp ek son bann kamarad. Zot i tras dann piton, la savann, la ravine… partou, é, souvandéfoi, i rotourn zot kaz ek in paké d’ zoli ni. Po partazé, lé fasil : sakinn i pran lo ni li la tiré. Ebin n’in zour, Tikok la gingn son… bou-t’né ! E in bou-t’né an tapok* ankor !Kosa la fé, so zour-la ? Tikok i travers in karo zakasi. Tazantan, li arèt po li suiv in mèr i pik droit ek la gonm dan la bèk.

1 week ago | temoignages.re | Christian Fontaine

Vandrodi-Sin, granmoun Biganbé (lo papa Tikok) ek granmoun Zilo (sad Tikarl) la parti rod gèp, akoz so zour-la i manz pa la viann. Tikok ek Tikarl, zot, zot manman la obliz azot alé légliz po Somin n’ Kroi. Sar rienk dimans po zot alé o gèp, zot tour…Dimans prémidi i ariv. Tikok i prépar son golèt*, son sifon, son soubik ek son zalimèt.

1 week ago | temoignages.re | Christian Fontaine

« Monmon ! Not dé Tikarl i dsann la kaz Timari, in ? – Alé azot. Amiz pa soman. Sirtou, Tikok mi prévien aou, artourn pa isi ek linz an morso, sinon mi koup out déyér. »Ariv la kaz Babé tout la bann lé apo zoué loukasiét. Tikok ék Tikarl i rant dann ta. Soman, pou komansé i fo rod kisa lo mèr. Sé Zorzyane i rouv lo zé :« Plouf ! Inétikét, Marie-Bonbét, Kani-kanét, trik ! »Promié trik i tonm si Zanpièr. « Plouf ! Inétikét, Marie-Bonbét, kani-kanét, trik ! »Dozièm trik : Tikok.

2 weeks ago | temoignages.re | Christian Fontaine

Dèk la klos la soné, Tikok la fons dan la kour lékol konm volay si grin maï, é tout suit la komans santé : « Vive lé va-kan-se, pa de pé-ni-tanse ! Lé ka-yé o fé, la métrès o milié ! » Ayé-yay, mon Dié Sin-yèr ! Madanm Troufiyon l’antandi, lapèl ali, la di : « Répèt in-peu sa, va, Tikok ! » E pa sito fine kozé, sé d’ trap son bra, pinsé ! Ziska lèr, n’ankor la mark !… Tikok i inm pi lékol Pourtan, lé pa Tikok lotèr si li lé dégouté d’lékol ! Promié débi, li té inm, akoz Madanm Tibarik té...