-
3 days ago | 
reporter.al | Edmond Hoxhaj
Gjykata Kushtetuese i dha të drejtë gazetarit të Ora Neës, Elton Qyno, lidhur me kërkimet e parashtruara në padinë e tij kundër sekuestrimit të pajisjeve elektronike që kishte në pronësi, kontrollit në banesë, në vendin e punës dhe atë personal, të kryera pas një hetimi të nisur nga SPAK për nxjerrje të sekretit hetimor.
-
3 days ago | 
reporter.al | Edmond Hoxhaj
Drejtuesi i SPAK i qëndroi të martën më 22 prill kërkimit përfundimtar të ankimit ndaj konfirmimit të prokurorit të Tiranës, Afrim Shehu, duke kërkuar shkarkimin e tij nga detyra.
-
1 week ago | 
reporter.al | Edmond Hoxhaj
Gjykata e Beratit ka pranuar një kërkesë të prokurorisë për pezullimin nga detyra të drejtorit të Agjencisë së Mbikëqyrjes Policore, Florian Sulejmani, pasi është nën hetim për shpërdorim detyre lidhur me procedurën e ndjekur në transferimin e oficerëve të policisë gjyqësore, që dyshohet se është kryer në kundërshtim me legjislacionin përkatës.
-
1 week ago | 
reporter.al | Edmond Hoxhaj
Byroja Kombëtare e Hetimit, BKH, deklaroi përmes një njoftimi të mërkurën se oficerët e saj ishin sulmuar mbrëmjen e së martës në aksin rrugor Fier-Patos, ndërsa ishin duke kryer veprime hetimore në kuadër të një hetimi të deleguar nga Prokuroria e Posaçme, SPAK. “Ndërsa hetuesit e BKH-së dhe oficerët e Policisë së Shtetit po kryenin detyrën, janë sulmuar pa asnjë motiv nga persona tashmë të identifikuar dhe shoqëruar në DVP, Fier,” thuhet në njoftimin e BKH.
-
1 week ago | 
reporter.al | Edmond Hoxhaj
Prokuroria e Posaçme kundër Korrupsionit dhe Krimit të Organizuar, SPAK, paraqiti të martën më 15 prill parashtrimet përfundimtare në çështjen penale ndaj ish-kreut të Prokurorisë së Vlorës, Aurel Zarka, duke kërkuar deklarimin e tij fajtor për korrupsion dhe ndikim të paligjshëm në çështjet penale që lidhen me dosjen e quajtur “Toyota Auris” të hetuar në Tiranë, si dhe në çështje të tjera penale të prokurorisë që ai drejtonte.
-
2 weeks ago | 
reporter.al | Edmond Hoxhaj
Prokuroria e Posaçme kundër Korrupsionit dhe Krimit të Organizuar, SPAK njoftoi të premten më 11 prill përfundim të hetimeve ndaj 27 të pandehurve, të akuzuar si anëtarë të dy grupeve kriminale me veprimtari trafikimin e qenieve njerëzore nga vendet e Azizë Jugore dhe Afrikës Qendrore drejt Shqipërisë, me destinacion përfundimtar vendet e Bashkimit Evropian. Mes të pandehurve ka dhe punonjës policie e biznesmenë që kanë ndihmuar në kryerjen e aktivitetit të paligjshëm.
-
2 weeks ago | 
reporter.al | Edmond Hoxhaj
Kolegji i Posaçëm i Apelimit, KPA shpalli të enjten më 10 prill vendimin për lënien në fuqi të shkarkimit të gjyqtares së Tiranës, Rexhina Merlika. Vendimi u mor në mënyrë unanime nga trupi gjykues i Kolegjit i kryesuar nga Albana Shtylla, me relatore Natasha Mulaj dhe anëtarë Mimoza Tasi, Rezarta Schuetz, Sokol Çomo, pas shqyrtimit në dhomë këshillimi të ankimit të Merlikës.
-
2 weeks ago | 
reporter.al | Edmond Hoxhaj
Këshilli i Lartë i Prokurorisë, KLP vendosi të enjten më 10 prill një masë të dytë disiplinore ndaj drejtuesit të Prokurorisë së Sarandës, Kledian Llaho. Më 31 janar, Llahos iu dha masa disiplinore “vërejtje publike”, megjithëse Inspektori i Lartë i Drejtësisë, ILD kërkoi ulje page, lidhur me konstatimet për zvarritje të hetimit të një çështjeje penale dhe moszbatim të një vendimi gjykate.
-
2 weeks ago | 
reporter.al | Edmond Hoxhaj
Kolegji i Posaçëm i Apelimit, KPA u njoh të mërkurën më 9 prill me parashtrimet në çështjen e vetingut të gjyqtares së Tiranës, Ardiana Bera, konfirmimi në detyrë i së cilës u ankimua nga institucioni i Komisionerëve Publikë për gjetje në kriterin e pasurisë dhe profesionalizmin. Drejtuesi i SPAK, Altin Dumani u përfaqësua në seancën e të mërkurës nga prokurori Adnan Xholi, i cili u shpreh se u qëndronin shkaqeve të ankimit. Gjyqtarja Bera u paraqit në seancë së bashku me avokaten Romina Zano.
-
2 weeks ago | 
reporter.al | Edmond Hoxhaj
Më 13 mars, gjyqtari Engert Pëllumbi i Gjykatës së Posaçme të Apelit vendosi që të lërë në qeli kryetarin e Bashkisë së Tiranës, Erion Veliaj, ndërsa lehtësoi masën e sigurisë për bashkëshorten e tij, Ajola Xoxa dhe biznesmenin Elman Abule. Veliaj dhe Xoxa akuzohen nga Prokuroria e Posaçme se krijuan një skemë korruptive mes kompanive dhe OJF-ve të bashkëshortes dhe një grupi biznesmenësh rreth tij me vlerë transaksionesh prej më shumë se 1 milion euro.
