Grunde Grimstad

Nov 8, 2024 | nrk.no | Grunde Grimstad

Mattilsynet har sendt ut melding der dei ber oppdrettsnæringa førebu seg på nye invasjonar av perlesnormanet. Oppdrettsanlegg i fleire produksjonsområde er blitt angripne av manetarten dei siste dagane, og eit stort antal oppdrettslaks har døydd. Mattilsynet ber oppdrettarar vere klar til å setje inn tiltak. Førre vinter opplevde næringa ein storinvasjon av den vesle manetarten som førte til at rundt 3 millionar fisk døydde eller måtte avlivast, ifølge Havforskingsinstituttet.

Nov 6, 2024 | nrk.no | Grunde Grimstad

CO₂ i atmosfærenLes mer  om klima Norsk skipsfart og maritim industri leitar etter måtar å bli kvitt stempelet som miljøsyndar. I Regjeringa sin miljøstrategi «Vegkart for grønt industriløft» handlar dei fleste tiltaka om drivstoffavgifter, nullutsleppskrav og utdeling av milliardbeløp til ny miljøvenleg teknologi. Men nokon har klart å skape seg ei grøn og miljøvenleg drift heilt på eiga hand – og tener endåtil gode pengar på det. – Green Yard har berekraft i ryggmergen.

Oct 10, 2024 | nrk.no | Grunde Grimstad

Kriseramma ordførarar etterlyser konkrete tiltak frå Regjeringa for å hjelpe kommunane med å få økonomien på fote. I år har kommunane blitt ramma av ei rekkje fordyrande faktorar, så som prisvekst, høge renter, aldrande befolkning, fleire lovpålagde tenester til innbyggarane og tekniske krav til bygg og institusjonar. 56 prosent av norske kommunar ligg an til å gå med underskot i 2024. 77 prosent står i fare for budsjettsprekk innanfor tenesteområdet, ifølge tal frå KS.

Oct 7, 2024 | nrk.no | Grunde Grimstad

Les mer  om klima – Det er bra at myndigheitene har innsett galskapen i dette. Det gir ikkje meining å innføre eit miljøtiltak som fører til større utslepp, seier Kjell-Gunnar Hoddevik. Han er skipper og dagleg leiar av reiarlaget Atlantic Seafish i Ålesund. Han er éin av mange fiskebåtreiarar som det siste året har spart utgifter ved å fylle drivstoff i utanlandske hamner – der CO2-avgifta er null.

Sep 26, 2024 | nrk.no | Grunde Grimstad

Irene Knardal vart lurt til å betale 30.000 kroner etter ein falsk SMS frå "sonen". Nettsvindelen er blitt så avansert og overbevisande at alle kan bli lurt, ifølge Økokrim. Knardal oppdaga først svindelen då kontoen hennar vart sperra, men då var ho allereie nesten 30.000 kroner fattigare. Økokrim har sett ein kraftig auke i bedrageriforsøk mot både næringsliv og privatpersonar.