Kerman Garralda Zubimendi

3 weeks ago | berria.eus | Kerman Garralda Zubimendi

Bederatzigarren eta azken greba eguneko manifestazioa bukatzeko, Steilas, LAB, ELA eta CCOO sindikatuetako ordezkariak Eusko Jaurlaritzaren Lakuako egoitzara sartu dira, orain arteko manifestazioetan grebalarien artean bildu dituzten eskakizunekin; harreratik hots egin diote Begoña Pedrosari, baina sailburua ez da jaitsi. Bertan utzi dituzte eskakizunak, irakurriko dituelakoan. Kanpoan milaka manifestari egon dira zain. Hauek ere saiatu dira Jaurlaritzara sartzen, baina ertzainek bidea moztu diete.

3 weeks ago | berria.eus | Kerman Garralda Zubimendi

Gernikako arbolaren gerizpean batu dira atzera Eusko Jaurlaritzako lehen legegintzaldiko legebiltzarkideak, 45 urteren ondoren. 1980. urteko martxoaren 31n ere berdin egin zuten: zuhaitzaren inguruan elkartu ziren eta Javier Caño Euskal Kontseilu Nagusiko idazkariak banan-banan euren izenak esan ostean, Batzarretxera sartu ziren, lehen osoko bilkurari ekiteko. Oraingoan Eusko Legebiltzarreko Mahaiko ordezkariek egin diete harrera, Bakartxo Tejeria presidentea buru zela.

3 weeks ago | berria.eus | Kerman Garralda Zubimendi

Migratzaileek eta arrazializatuek modu «are gordinagoan» pairatzen dituzte etxebizitza krisiaren ondorioak, gaur goizean arrazakeriaren aurkako eta etxebizitza arloko hogei eragile baino gehiagok salatu dutenez. Filtro arrazisten aurkako eta etxebizitzarako sarbide unibertsalaren aldeko manifestua kaleratu dute, Gasteizen egin duten agerraldian. «Premiazkoa da errealitate hori salatzea». Migratzaileek eta arrazializatuek etxebizitza bat eskuratzeko «zailtasun izugarriak» dituztela esan dute.

3 weeks ago | berria.eus | Kerman Garralda Zubimendi

Eduki hau irakurtzeko bi minutu behar dira. Bitartean, ez hartu arnasarik. Bukatzean, oraindik arnasari eusteko ahalmenik bada, ez bota, minutu batzuk gehiagoz eutsi behar baitzaio itolarriari Arabako, Bizkaiko eta Gipuzkoako apnea txapeldun izatea lortzeko. Gaur arratsaldean jokatu dute txapelketa, Gasteizko Mendizorrotzako kiroldegiko igerileku estalian. Lehiak ez du aparteko zailtasunik: ur azpian denbora gehien irauten duenak irabazten du.

3 weeks ago | berria.eus | Kerman Garralda Zubimendi

Osakidetzako langileek «nazkatuta» daudela oihu egin dute gaur goizeko elkarretaratzean, Txagorritxu edo Arabako Unibertsitate Ospitaleko atarian. Zenbait adarretako ehun profesional inguruk bat egin dute ELA sindikatuak antolatutako deialdiarekin, eta salatu dute Osakidetzak hautaprobak egiteko eta lantaldeak hornitzeko «arazo larriak» dituela; urteetako kontua dela gaineratu dute.