-
Nov 12, 2024 | 
nrk.no | Malin Kjellstadli Korsnes
I fleire år har det falleferdige huset på Mittet i Rauma stått tomt og i fjor ramla det saman. Huset var i så elendig forfatning at arvingane av dødsbuet nekta å ta imot. Rauma kommune overtok ansvaret og la huset ut for sal. Det var berre ein person som beit på etter eit år. – Eg tenkte eg fekk gjere det og bydde 10 kroner, fortel Ole Erik Holsbøvåg (24). Dermed blei han eigar av eit samanrast spøkelseshus og Rauma kommune blei kvitt eit problem. Det var Åndalsnes avis som først fortalde historia.
-
Nov 12, 2024 | 
nrk.no | Malin Kjellstadli Korsnes
I stovevindauget på Åse i Ålesund står juletreet pynta i kvitt. Det einaste så langt i nabolaget. Allereie 31. oktober henta Trine Skarbø fram treet frå eska, men ho venta med å pynte det til kalenderen bikka november. – Det er grensa mi. Eg tør ikkje tidlegare, smiler 48-åringen. I mange år pynta ho treet 1. desember, men med åra har det blitt tidlegare og tidlegare. Ho er litt flau over det, for ho veit at naboane snakkar og kommenterer.
-
Nov 11, 2024 | 
nrk.no | Malin Kjellstadli Korsnes
Politikarane på fylkeshuset i Molde vart i dag møtt av ropande elevar med gule refleksvestar og plakatar. Ungdommane frå Tingvoll vidaregåande skule er livredde for at skulen skal bli lagt ned og at mange dermed må flytte på hybel. – Det er ikkje alle som er klare til å flytte heimanfrå i ein alder av 15 år. Folk utviklar seg forskjellig og det kan vere ei påkjenning som ikkje alle klarer, seier elevrådsleiar Marte Vågen Husby.
-
Nov 5, 2024 | 
nrk.no | Malin Kjellstadli Korsnes
Gjentekne gongar i løpet av eit døgn i september 2023 utførte tenåringen seksuelle handlingar mot det vesle barnet han var barnevakt for. Foreldra til tenåringen sov i etasjen over. Han filma overgrepa og tok også stillbilete av det som skjedde. Bileta delte han med andre personar på internett, og det var slik han blei oppdaga.
-
Oct 30, 2024 | 
nrk.no | Malin Kjellstadli Korsnes
Suel Kassembo har budd på Sunnmøre i 20 år, og har kjempa i retten to gonger for å få opphald. Han hevdar han er frå Burundi, og er i livsfare om han blir sendt heim. I fjor haust tapte han i Oslo tingrett og i oktober tapte han i Borgarting lagmannsrett. No har han og støttegruppa bestemt seg for å gjere eit siste forsøk og ankar til Høgsterett. – Vi har framleis tru på at vi skal få rettferd, seier leiar i støttegruppa, Nils Roar Hareide. Sidan romjula i fjor har Kassembo vore i kyrkjeasyl i Herøy.
-
Oct 24, 2024 | 
nrk.no | Malin Kjellstadli Korsnes |Sara Lovise Roaldseth |Tore Ellingseter
Torsdag la Riksrevisjonen fram ein rapport der dei slaktar innføringa av journalsystemet Helseplattforma og meiner at journalsystemet har trua pasienttryggleiken. I Møre og Romsdal var helsetilsette svært kritiske til å ta i bruk systemet. Sjølv om feila har vore færre enn på St Olavs hospital i Trondheim, er det store utfordringar.
-
Oct 23, 2024 | 
nrk.no | Malin Kjellstadli Korsnes
Ei kvinne i 40-åra døydde og eit barn er hardt skadd etter valdshendinga i Vestnes tysdag. Sonen til kvinna er sikta i saka, men meiner han ikkje har gjort desse handlingane. Mannen i 20-åra bur i ein døgnbemanna omsorgsbustad, der han skal ha tilsyn til ei kvar tid, ifylgje forsvararen. Forsvararen til mannen, Roy Kulblik, stiller spørsmål ved korleis den psykisk sjuke mannen kunne besøke mora si. – Når han har besøkt mora, så går eg ut ifrå at han har hatt tilsyn i samband med besøket.
-
Oct 14, 2024 | 
nrk.no | Mari Aandahl Kippernes |Eirik Haukenes |Malin Kjellstadli Korsnes
Bønder slit med å finne avløsarar, og i Tingvoll kommune har dei starta kursing av ukrainske flyktningar for å dekke dette behovet. Kursinga går over fem dagar og skal kvalifisere flyktningane til avløsar-jobb. Over 40 prosent av bøndene i landet synes det er vanskeleg å finne avløsarar ved behov. Kommunen og Landbruk Nordvest står bak kurset, medan IMDi står for finansieringa. Yvehen Tyshchenko er ein av kursdeltakarane, og har allereie ein jobb som ventar.
-
Oct 14, 2024 | 
nrk.no | Malin Kjellstadli Korsnes |Hans-Olav Landsverk |Tore Ellingseter
Når studentar bankar på døra til rådgivaren ved Studentsamskipnaden (Sit) på NTNU i Ålesund, må ho vere budd på at dei kan bere på svært mørke tankar. – Vi går ikkje rundt grauten. Vi spør direkte om dei har sjølvmordstankar ved mistanke om dette, seier Susanne Bjørge Rem. Kvar månad opplever ho og dei andre rådgivarane at ein av studentane svarar ja på spørsmålet. I lomma har Rem ein lapp, som minner om henne om førstehjelpsreglane for sjølvmord.
-
Oct 9, 2024 | 
nrk.no | Malin Kjellstadli Korsnes
Eitt år etter terrorangrepet på Israel der 1200 personar blei drepne av Hamas, skal foreininga på Sunnmøre halde ei litt forseinka markering. Der ventar dei at 70–80 personar skal møte opp til film og foredrag. Men det har vore vanskelegare enn dei såg for seg. Dei har fått avslag på å leige lokale, fordi utleigarar er redd for tryggleiken. – Eg blei sjokkert. Eg fekk beskjed om at dei ikkje leiger ut til slike organisasjonar, seier styreleiar Marit Heggen Stokke.
