-
Apr 19, 2024 | 
report.az | Ruslan Sadıqov
Azərbaycan Premyer Liqasında XXXI tura start verilib. “Report”un məlumatına görə, turun açılış oyunu Tovuzda keçirilib. “Turan Tovuz” doğma azarkeşləri önündə “Sumqayıt”ı qəbul edib. Birinci hissə qonaqların üstünlüyü şəraitində keçib. “Gənclik şəhəri” təmsilçisi ardıcıl qollar sayəsində 2 top fərqi ilə önə keçib. Əvvəlcə 15-ci dəqiqədə Şəhriyar Əliyev avtoqol müəllifi olub. 22-ci dəqiqədə isə Erik Sorqa adını tabloya yazdırıb. Qərb təmsilçisi fasilədən dərhal sonra fərqi minimuma endirib.
-
Apr 19, 2024 | 
report.az | Ruslan Sadıqov
Meksikanın “Tiqres” klubunun futbolçusu Nauel Qusman “Monterrey”lə ölkə çempionatı oyununda tribunadan rəqibin qapıçısı Esteban Andradenin gözünə lazer işığı saldığı üçün 11 oyunluq diskvalifikasiya olunub. “Report” xəbər verir ki, bu barədə Meksika Futbol Federasiyasının İntizam Komissiyası məlumat yayıb. Qusman qarşılaşma boyu həmkarının gözünə lazer işığı salmaqla onun diqqətini yayındırmağa çalışıb.
-
Apr 18, 2024 | 
report.az | Ruslan Sadıqov
UEFA Çempionlar Liqasında (ÇL) həftənin ən yaxşı qolunun müəllifi açıqlanıb. “Report” xəbər verir ki, Almaniyanın “Borussiya” (Dortmund) klubunun müdafiəçisi Yen Maatsenin 1/4 final mərhələsində İspaniya “Atletiko”su ilə cavab görüşündə vurduğu qol ən yaxşı seçilib. 22 yaşlı niderlandlı oyunçu komanda yoldaşı Niklas Fyullkruq, həmçinin Vitinya (PSJ, Fransa) və Coşua Kimmixlə (“Bavariya”, Almaniya) mübarizədən qalib ayrılıb.
-
Apr 18, 2024 | 
report.az | Ruslan Sadıqov
“Kəpəz”lə oyundan sonra AFFA nümayəndəsinə həqiqəti dedim. Bundan sonrası onların vicdanına qalıb”. Bunu “Report”a açıqlamasında “Səbail”in futbolçusu Adi Mehremiç Azərbaycan Premyer Liqasının XXX turunda “Kəpəz”lə görüşdə hakimi təhqir etdiyi üçün AFFA İntizam Komitəsi tərəfindən 4 oyunluq diskvalifikasiya edilməsi barədə danışarkən deyib.
-
Apr 18, 2024 | 
report.az | Ruslan Sadıqov
Klubumla məsləhətləşdikdən sonra millinin təklifini qəbul etdim. Bunu “Report”a açıqlamasında “Qarabağ” Futbol Akademiyasının aşağı yaş qrupları üzrə məşqçisi Rauf Əliyev ilk dəfə minifutbol üzrə Azərbaycan millisinə çağırılması barədə danışarkən deyib. Eyni zamanda minifutbol çempionatında mübarizə aparan “İnter” komandasının formasını geyinən 35 yaşlı oyunçu yığma variantını düşündükdən sonra müsbət cavablandırdığını bildirib: “Milli komandadan təklif gəldi.
-
Apr 18, 2024 | 
report.az | Ruslan Sadıqov
Azərbaycan atıcıları Qətərin paytaxtı Dohada keçiriləcək Olimpiya Təsnifat Çempionatında çıxış edəcəklər. “Report” Azərbaycan Atıcılıq Federasiyasının mətbuat xidmətinə istinadən xəbər verir ki, səngər stendi (trap) komandasının üzvləri Aydan Camalova, Əli Hüseynli, Ülviyyə Eyvazova, Sabir Mehdizadə, Rəna Ələskərova və Əlimirzə Quliyev yarışda qüvvələrini sınayacaqlar. Bu gün startı veriləcək stend atıcılığı üzrə Olimpiya Təsnifat Çempionatı aprelin 29-dək davam edəcək.
-
Apr 18, 2024 | 
report.az | Ruslan Sadıqov
Almaniya millisinin baş məşqçisi Yulian Naqelsmann müqaviləsini yeniləyib. “Report” xəbər verir ki, bu barədə 36 yaşlı mütəxəssis açıqlamasında bildirib. O, Almaniya Futbol Assosiasiyası ilə bu ilin yayına qədər olan sözləşmə müddətini 2026-cı ildə ABŞ, Kanada və Meksikada keçiriləcək dünya çempionatının sonuna qədər uzatdığını deyib. Qeyd edək ki, Yulian Naqelsmann 2023-cü ilin sentyabrından Almaniya yığmasına rəhbərlik edir.
-
Apr 18, 2024 | 
report.az | Ruslan Sadıqov
“Qəbələ” klubu israilli futbolçu Feras Abu Akalla yollarını ayırıb. “Report” xəbər verir ki, bu barədə bölgə təmsilçisinin mətbuat xidməti məlumat yayıb. 27 yaşlı yarımmüdafiəçi ilə müqaviləyə qarşılıqlı razılaşma əsasında xitam verilib. Qeyd edək ki, 2022-ci ilin iyulundan “Qəbələ”də çıxış edən legioner qırmızı-qara formada keçirdiyi 47 matçda 3 qol vurub. Feras Abu Akal Premyer Liqada 37 (2 qol), Azərbaycan Kubokunda 8 (1 qol), Konfrans Liqasında 2 oyunda iştirak edib.
-
Apr 18, 2024 | 
report.az | Ruslan Sadıqov
İspaniyanın “Barselona” klubunun “Nou Kamp” stadionuna qayıdacağı tarix bəlli olub. “Report” “Mundo Deportivo”ya istinadən xəbər verir ki, Kataloniya klubu dekabrın 15-dən etibarən doğma arenasından istifadə edə biləcək. Rəhbərlik klubun 125 illiyini qeyd edəcəyi 29 noyabr tarixində açılış tədbiri keçirməyi planlaşdırırdı. Lakin sonradan tələsməmək qərarına gəlib. Komandanın ilk matçlarında tribunalara məhdud sayda azarkeş buraxılacaq. Belə ki, qarşılaşmalara maksimum 60 min tamaşaçı cəlb olunacaq.
-
Apr 18, 2024 | 
report.az | Ruslan Sadıqov
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib. “Report”un məlumatına görə, XVII turun görüşləri aprelin 20-də təşkil olunacaq. Əvvəlcə saat 12:00-da “Qarabağ” və “Azəryol” komandaları üz-üzə gələcəklər. Daha sonra “Bakı” ilə “Kür” münasibətlərinə aydınlıq gətirəcəklər. Bu matç saat 14:00-da start götürəcək. “AHF Arena”da keçiriləcək hər iki görüş federasiyanın rəsmi “facebook” səhifəsi və “youtube” kanalı vasitəsilə canlı yayımlanacaq.
