Tito Diéguez

Lugo

Journalist at El Progreso

Periodista, luguista, celtista e progresista (por El Progreso de Lugo)

Featured in: Favicon

elprogreso.es Favicon

diariodepontevedra.es

Articles

Idiomas europeos

1 week ago | elprogreso.es | Tito Diéguez

Din defender todos os idiomas de España, pero celebran que non se aprobe a oficialidade do galego, catalán e euskera na UE. Igual que outros correlixionarios, algúns deles ocupando agora altas instancias autonómicas, din promover o uso do idioma propio de Galicia cando houbo manifestacións en contra nas que saíron fotografados. Retratados no intento de non molestar a un electorado protector dunha lingua que esmorece, pero adalides do unitarismo para atraerse o do outro lado.
Falsidades ao xulgado, só unhas poucas

2 weeks ago | elprogreso.es | Tito Diéguez

Unha conversación manipulada e espallada polas redes sociais acaba no xulgado. Desas falsidades hai a esgalla, pero a súa libre circulación con fins daniños non soe pasar polos tribunais como esta argallada no entorno do Goberno valenciano con fins exculpatorios pola Dina e ao tempo incriminar ao central.
Similitude na barbarie, na resposta non

2 weeks ago | elprogreso.es | Tito Diéguez

Hai moitas similitudes nos comportamentos de Rusia e Israel ao tempo que diferenzas considerables na resposta mundial que reciben. Ambos os dous apelan á lexítima defensa para invadir un e ocupar outro. Contabilízanse uns 13.000 civís mortos e varios miles de soldados dos dous bandos en Ucraína en tres anos; en Gaza son uns 55.000 os falecidos na metade de tempo. Cifras que encobren a dor de dous pobos masacrados, idéntico sufrimento.
Auxe do autoritarismo en Europa

2 weeks ago | elprogreso.es | Tito Diéguez

O de Portugal non é excepcional en Europa. O incremento da extrema dereita esténdese polo continente. A mocidade, sobre todo masculina, impulsa unha tendencia que en España non é tan notoria, aínda que electoralmente xa teña superado o 15%. En Portugal sobrepasou claramente a barreira do 22% nun terremoto que se levou por diante un partido socialista que hai tres anos tiña maioría absoluta.
Desconsideracións co idioma

3 weeks ago | elprogreso.es | Tito Diéguez

Hai movementos, mínimos, para a potenciación do galego. Non pasan pola educación, polos colexios, eses nos que en numerosas ocasións se sae falando en castelán cando se entra con outro idioma. Non se usan os centros de ensino como eixo sobre os que incidir, óptase por outras iniciativas, impostadas ás veces, insuficientes sempre. Un plan de acollemento lingüístico para inmigrantes, cursos na xustiza e na sanidade ou o fomento da comunicación nas empresas son empurróns.
Oposición construtiva para emerxer

3 weeks ago | elprogreso.es | Tito Diéguez

Foi ata agora a do PP unha oposición destrutiva, intentos de minar a Sánchez como única alternativa, acantoalo xudicial, social e incluso familiarmente. Pero iso polo momento non foi suficiente para facelo caer nin tampouco para situalo a unha distancia demoscopicamente ampla coa que chegar con garantías de cambio cando as urnas ditaminen o reparto parlamentario.
Negacionismos en aumento

1 month ago | elprogreso.es | Tito Diéguez

O rexeitamento de que o cambio climático existe é unha corrente estendida contra o consenso científico. É a evidencia máis rebatida. Leva tempo este negacionismo. Agora xorde outro. A operación Cataluña non existe, refuta o PP a pesar de que o Supremo xa ditou algunha condena por manobras da brigada política creada en tempos de Rajoy para combater o independentismo con argucias.
Polarización estendida

1 month ago | elprogreso.es | Tito Diéguez

Ocorría en vida e trala morte continuou, aínda que algo atenuada, e seguirá ata que remate o conclave ou máis aló. Polarización arredor dos postulados de Francisco que os ultraconservadores católicos con máis poder cos anteriores papas pretenden enterrar con el para que emerxa na Igrexa outra vez a súa corrente ensamblada a un novo pontífice. Mentres, os seguidores do vicario de Cristo que acaba de desaparecer confían na continuidade.
Legado de xustiza social

1 month ago | elprogreso.es | Tito Diéguez

Coincidiu que o derradeiro mandatario en visitar ao papa Francisco é representante da política máis enfrontada cos postulados vaticanos. Non chegou o vicepresidente estadounidense Vance a cualificar o pontífice de woke, expresión lanzada con desprezo ao xefe da Igrexa católica por seguidores de Trump, pero si exteriorizou desacordos, algúns tan radicais como os relacionados coa migración.
Produto defectuoso

1 month ago | elprogreso.es | Tito Diéguez

Cando un produto é defectuoso debe ser retirado do mercado e tras ser recomposto volvelo comercializar. Legalmente os consumidores teñen dereito a devolvelo se adquiren un artigo deficiente ou imperfecto, e ser compensados. Iso é a norma, pero non sempre se cumpre. Os décimos para a lotería de onte puxéronse á venda con tacha porque os responsables ou descoñecen a lei ou a menosprezan con alarde, que sería peor.