Aitor Biain

Basque Country, Oñati

Editor at Berria

Txantxikua. Kazetaria Berria egunkarian. (Kontu hau pertsonala da eta hemen esandakoak nireak baino ez dira)

Featured in: Favicon

berria.eus Favicon

vilaweb.cat Favicon

nosdiario.gal

Articles

Elkartasunari lotuta, ekinean

5 days ago | berria.eus | Aitor Biain

Txirrikak eta herri egiturak «oso antzekoak» dira, Gasteizko Auzoan Bizi eta Herrizoma mugimenduetako kideen hitzetan: «Boteprontoan sinpleak dirudite, baina mekanismo uste baino konplexuagoak dituzte biek ala biek. Izan ere, funtzionatu ahal izateko, tresna guztiak ondo artikulatuta edukitzea eta sokari tira egingo dion indar bat izatea ezinbestekoak dira bi kasuetan. Baina ongi erabiliz gero, batak zein besteak oinarrizko beharrei erantzuten lagundu dezakete».
Kabiako langileek helegitea jartzeko eskatu diote Gipuzkoako aldundiari

1 week ago | berria.eus | Aitor Biain

Kabiako langileak, ELA eta LAB sindikatuen abaroan, kalera atera dira gaur haien hizkuntza eskakizunen aurkako epaia salatzeko. Izan ere, herenegun, EAEko Auzitegi Nagusiak berretsi egin zuen Gipuzkoako zahar etxeak kudeatzen dituen organismoak euskara egiaztatzeko lan deialdian ezarritako hizkuntza eskakizunaren aurkako epaia. Donostian, aldundiaren aurrean egin dute elkarretaratzea, Euskaldunon hizkuntza eskubidea bermatzeko bidea orain lemapean.
aurrekari bat behar bat

1 week ago | berria.eus | Aitor Biain

Espainiako Auzitegi Gorenak baliogabetu egin du atzerritarren ikasketa tituluak homologatzeko eskumenaren transferentzia, eta horrek iraganeko mamuak berpiztu ditu Eusko Jaurlaritzan. Ez baita oso atzera egin behar gogora ekartzeko zer-nolako erasoak egiten zituzten etengabe Espainiako erakundeek Euskal Herriko zerga sistemaren aurka auzitegien bidez. Gernikako Estatutua osatzear den honetan, Madrilen eta Gasteizen arteko aldebiko harremana «blindatzea» da erronka.
Eguzki panelak jartzen dituzten enpresak diruz lagunduko ditu Jaurlaritzak

1 week ago | berria.eus | Aitor Biain

Eusko Jaurlaritzak beste bultzada bat eman nahi dio industriaren deskarbonizazioari eta, plan bat aurkeztu du horretarako Arabako, Bizkaiko eta Gipuzkoako foru aldundiekin elkarlanean. Gobernuak zuzeneko diru laguntzak emango dizkie enpresei energia eraginkortasunaren eta teknologia adimentsuen aldeko apustuak indartu ditzaten; 400 milioi euro denera.
EAJk lege proposamen bat aurkeztuko du Madrilen, eskumenen transferentziak babesteko

1 week ago | berria.eus | Aitor Biain

Espainiako Auzitegi Gorenak atzerriko unibertsitate tituluen homologazio eskumenaren transferentzia baliogabetu ondoren, Eusko Jaurlaritzak iragarri zuen neurriak hartuko zituela halakorik berriz ez gertatzeko. Maria Ubarretxena bozeramaileak aurreratu zuen gobernuaren nahia zela legez babestea Transferentzien Batzorde Mistoan adostutakoa.
Langile bat hil da Laudion, istripu ez-traumatiko batean

1 week ago | berria.eus | Aitor Biain

Banaketa lanetan jarduten zuen langile bat hil da gaur goizean Laudion (Araba), istripu ez-traumatiko batean. Bebidas Serrano enpresan gertatu da ezbeharra, Ertzaintzak jakitera eman duenez. Larrialdi zerbitzuek goizeko lehen orduan jaso dute abisua, 8:30 aldera. Langilea lurrean etzanda topatu dute haren lankideek, konorterik gabe. Osasun langileak eta Osakidetzaren helikopteroa bertaratu dira hura artatzera. Langilea suspertzen saiatu badira ere, ez dute lortu eta bertan zendu da.
Mertxe Aizpuruak esan du estatutu berriari buruzko negoziazioak "inoiz baino hobeto" doazela

2 weeks ago | berria.eus | Aitor Biain

Mertxe Aizpuruaren arabera, Gernikako Estatutua berritzeko EAJren, EH Bilduren eta PSE-EEren arteko negoziaizoak «inoiz baino hobeto» doaz. Euskadi Irratian egin dioten elkarrizketan ez du xehetasun gehiago eman nahi izan, baina ziurtatu du elkarrizketak bide onetik doazela. Zuhurtzia eskatu du, hala ere, «hori delako gauzak ondo joango direnaren seinale eta gakoetako bat».
Pradalesek autogobernua "berritzea eta zabaltzea" eskatu du, erronka berriei erantzuteko

2 weeks ago | berria.eus | Aitor Biain

Eusko Jaurlaritzako lehendakari Imanol Pradalesek uste du asteleheneko itzalaldi orokorra «estresa neurtzeko» proba bat izan zela; alegia, administrazioa eta herritarrak halako krisiei aurre egiteko prest ote dauden egiaztatzeko azterketa gisako bat. Lehendakariaren hitzetan, ordea, emaitzak agerian utzi zituen hutsune guztiak: «gure zaurgarritasuna agerian jarri zen».
Eskubideak lortzeko borroka ez dela amaitu gogorarazi dute CCOOk eta UGTk

2 weeks ago | berria.eus | Aitor Biain

CCOO eta UGT elkarrekin atera ohi dira kalera azkenaldian Maiatzaren Lehenean, eta hala egin dute aurten ere. Bi sindikatuek manifestazio jendetsuak egin dituzte Hego Euskal Herriko hiriburuetan, Lortutakoa babestu, etorkizuna irabazi lelopean, baina bereziak izan dira Araban, Bizkaian eta Gipuzkoan egindakoak, buruzagiak aldatzeko barne prozesuak martxan baitituzte biek ala biek. Gasteizen eguerdian abiatu da manifestazioa, Andre Maria Zuriaren plazatik.
Kutxabankek Cajasur erabat xurgatzeko prozesua abiatu du

2 weeks ago | berria.eus | Aitor Biain

Andaluziako Cajasur Kutxabank taldera batuko da eta haren markarekin jardungo du aurrerantzean. Bankuak aurrezki kutxa izandakoa guztiz xurgatzeko prozesua abiatu baitu, bi erakundeetako ordezkariek hala adostu ondoren. Hazkunde eta dibertsifikazio etapa baten barruan kokatu du operazioa Kutxabankek, eta espero du bat egitea hurrengo urte hasierako burutzea.