Berria

With your specific criteria in mind and the right mindset, discover BERRIA. This fresh media outlet, born from the community's initiative, aims to reflect the various aspects of life in the Basque Country and beyond.

Local

Basque

Newspaper

Outlet metrics

Domain Authority

Ranking

Global

#78174

Spain

#1764

News and Media

#203

Traffic sources

Monthly visitors

Articles

EBZ interes tasak jaistekoa da gaurko bileran

1 week ago | berria.eus | Iker Aranburu

Donald Trump dosi bat nahikoa izan daiteke zalantzak uxatzeko. Zalantzan zegoen EBZ Europako Banku Zentrala apirileko bilerari begira: zer egin, interes tasei eutsi edo beste koska bat jaitsi? Azken horren aldeko hautua egingo duela uste dute analista gutiz gehienek, AEBetako presidenteak abian jarritako merkataritza gerrak zalantzaz bete dituelako eragile ekonomikoak.
EH Bilduk eta EH Baik burujabetzaren bidean hurrengo urratsa bultzatzeko baliatu nahi dute Aberri Eguna

1 week ago | berria.eus | Iosu Alberdi

Aberri Egunera begirako adierazpen bateratua plazaratu dute EH Bilduk eta EH Baik, nazioarteko testuinguru ezegonkorrari zein Euskal Herriaren estatus politikoaren inguruko eztabaidari begira: «Aberri Eguna burujabetzaren bidean hurrengo urratsa egiteko txanpa izatea nahiko genuke». Bi koalizioek gogoratu dute nazio aitortzaren eta estatus politikoaren inguruko eztabaida zabalik dagoela Euskal Herri osoan, «intentsitate eta erritmo ezberdinekin bada ere».
Euskadiko Parke Teknologikoetako enpresek hazten segitzen dute

1 week ago | berria.eus | Paulo Ostolaza

Enpresa gehiago, langile gehiago eta diru gehiago. Euskadiko Parke Teknologikoak dituen sei kanpusetan 673 konpainia daude dagoeneko, eta 8.243 milioi euroren fakturazioa izan zuten iaz, 2023. urtean baino %11,5 handiagoa. Haietan diharduten langileen kopurua inoizko handiena da: 23.674 lagun dabiltza beharrean Zamudioko, Gasteizko, Donostiako, Leioako, Hernaniko eta Abantoko parke teknologikoetan.
Hazkunde erritmoari eusten dio EAEko ekonomiak

1 week ago | berria.eus | Iker Aranburu

Nahasiak eta kezkagarriak izan dira azken asteak ekonomiarentzat, baina haren eragina ez da artean ikusi datu makroekonomikoetan. Eustatek azaldu duenez, %0,6 hazi da Euskal Autonomia Erkidegoaren barne produktu gordina 2024ko azken hiruhilekotik 2025eko lehengora. Urte arteko tasa %2koa da, praktikoki aurrekoaren parekoa (%2,1), eta horrek erakusten du hazkunde erritmoari eusten diola.
Gai unibertsalak, musika klasikoaren bitartez

1 week ago | berria.eus | Urtzi Urkizu

Harkaitz Cano idazlea New York hiriaz hizketan hasi da. «Idaztera joan nintzen, ikustera zer zen idaztea. Beraz, idazle egin ninduen hiria izan zen, nolabait...». Bidaiaz eta nostalgiaz mintzo da idazlea. Joseina Etxeberria esatariak, berriz, Ludwig van Beethoven musikariaren Schinsucht (Nostalgia) pieza aurkeztu du, ahots eta pianorako lieda. Gai unibertsalak eta musika klasikoa aurrez aurre jartzen ditu Bi ahotsetan podcast berriak.
Bridgestoneko langileek salatu dute enpresak ez duela konponbiderako asmorik

1 week ago | berria.eus | Jokin Sagarzazu

Basauriko eta Usansoloko (Bizkaia) Bridgestonen lantegiek ekoizpena gelditu dute astearte honetan, enpresak Basauriko lantegirako iragarri dituen 335 kaleratzeen aurka, lantaldearen %40. Hirugarren greba eguna dute eta azkenengoan bezala gaurkoan ere bat egin dute Usansoloko plantako langileek. Orain arteko lanuzteetan parte hartzea «erabatekoa» izan dela azpimarratu du langile batzordeak.
LABek salatu du Osalanen formakuntzetan jarrera matxistak, arrazistak eta antisindikalak izan direla

1 week ago | berria.eus | Paulo Ostolaza

«Ez naiz arrazista, baina orain latinoekin okerrago dago kontua». «Matxismoa gizona emakumearen gainetik egotea baldin bada, feminismoa gauza bera da alderantziz». «Langileak tontoak dira». Eta gehiago. LABeko bi delegatuk Osalanek eskaintzen dituen prestakuntza saio batean gertatutakoa salatu dute, non irakasleak aipu matxistak, xenofoboak eta antisindikalak egin zituen «bata bestearen atzetik». Azaroaren 19an izan zen, Basauriko IFAPen (Bizkaia).
Roberto Martil: bizitza bat Xotari emana

1 week ago | berria.eus | Julen Etxeberria

Etxeko taldean oso gaztetan hasi, pausoz pauso gora egin, pixkanaka jokalari garrantzitsu bilakatu, kapitain izan, ibilbide luze eta oparoa osatu, eta bertan zoriontsu erretiratzea. Horra kirolari askoren ametsa. Amets hori beteko du Roberto Martilek (Iruñea, 1987), Osasuna Magna Xota areto futboleko taldeko jokalariak: denboraldi amaieran hartuko du erretiroa, hasi zen toki berean, Irurtzunen (Nafarroa), 38 urterekin, eta 30 urteko ibilbide ederra egin ondoren.
"Gomazko pilota baten inpaktuak" hil zuen

1 week ago | berria.eus | Iosu Alberdi

Giza eskubideen urraketak jasan dituzten biktimei errekonozimendua eta erreparazioa emateko balorazio batzordearen arabera, ez dago zalantzarako tarterik: Rosa Zarra giza eskubideen urraketen biktima da. Kasuaren inguruko txostenean, gezurtatu egin ditu 1995ean epaitegiek ontzat jotako heriotzaren arrazoiak, eta «indarkeriaz eragindako heriotza» gisa kalifikatu du. «Heriotzaren mekanismoa gomazko pilota baten inpaktua izan zen», diote forentseen ondorioek.
Kontrastea areagotu egin da Europan: ekialdea lehorrago, mendebaldea hezeago

1 week ago | berria.eus | Gorka Berasategi Otamendi

Urte hasieran jakin zen iazkoa inoiz neurtu den urterik beroena izan zela munduan. Lurraren tenperatura 1,6 gradu igo baitzen industria aurreko datuekin alderatuta. Orain, klimaren argazki zehatzagoa erakutsi dute Europako Batasunaren Copernicus klima aldaketa aztertzeko zerbitzuak eta Munduko Meteorologia Erakundeak (MME).