Ander Perez Zala

Spain

Journalist at Berria

Featured in: Favicon

berria.eus Favicon

nosdiario.gal

Articles

Independentziaren boto korrelazioa ahuldu egin da

Sep 14, 2024 | berria.eus | Ander Perez Zala

Eskoziako boto emaileen jarrera eta hautuak aztertzean eta azaltzean, agerian geratu zen 2014ko erreferendumetik hona joera argi bat zegoela finkatuta: independentisten gehiengo zabalak alderdi independentisten alde bozkatzen zuen. Horren erakusgarri da, esaterako, Erresuma Batutik atera nahi dutenen %70ek egin zutela indar subiranisten alde 2019ko Erresuma Batuko Komunen Ganberarako bozetan; eta horien %90ek hautu hori bera egin zutela 2021eko Eskoziako Parlamenturako hauteskundeetan.
Eskoziako erreferenduma, "kale itsuan"

Sep 14, 2024 | berria.eus | Ander Perez Zala

Eskozian 2014an egin zuten independentzia erreferenduma eta horren inguruko hilabeteak oroitzean, Michael Keating «aktibitate biziaz» mintzatu da. «Engaiamendu zibikoko ariketa bat» izan zen garai hura, Aberdeengo Unibertsitateko (Eskozia) Zientzia Politikoetako irakasle emerituaren ustetan: «Eskozian lehen aldiz ikusi nuen hainbeste jende nazioaren etorkizunaz mintzatzen».
NATOk gehiago egin zezakeen Ukrainako gerra eragozteko, aliantzaren buruaren ustetan

Sep 14, 2024 | berria.eus | Ander Perez Zala

NATO Ipar Atlantikoko Itunaren Erakundeko idazkari nagusi Jens Stoltenbergek beste aitorpen bat egin du: Mendebaldeko aliantza militarrak gehiago egin zezakeela Ukrainako gerra, eta, beraz, Errusiako armadaren inbasioa eragozteko. «Orain ekipamendu militarra hornitzen ari gara gerrarako. Garai hartan, ekipamendu militarra hornitu genezakeen gerra eragozteko», azaldu du Stoltenbergek.
Ukrainako gerra beste koska bat estutzear da

Sep 13, 2024 | berria.eus | Ander Perez Zala

Volodimir Zelenski Ukrainako presidenteak eskari asko egin dizkie Mendebaldeko aliatuei Errusiaren kontrako gerrarako. Asteotan, ordea, arreta honako aferan jarri du: gatazka militarra irabazteko, bere herrialdeko armadak Errusian barnerago egin behar duela eraso, eta ez, orain arte gehienetan egin duen gisara, mugako eskualdeetan.
Isabel Perello izendatu dute Espainiako Botere Judizialaren Kontseilu Nagusiko presidente

Sep 2, 2024 | berria.eus | Ander Perez Zala

Espainiako CGPJ Botere Judizialaren Kontseilu Nagusiko hogei kideek, euren karguak hartu eta hilabete pasatxora, CGPJko presidentea aukeratu dute: Isabel Perello magistratua. Perello postu horretan izango den lehen emakumezkoa bilakatuko da —Auzitegi Gorenaren buruzagitzan ere egongo da—, eta, izendapen horri esker, bost urteko blokeoa amaitu dute; botere judizialaren gobernu organoak, hortaz, normaltasunez funtzionatu ahalko du hemendik aurrera.
Ukrainak eskubidea du Errusiako Kursk eskualdea erasotzeko, NATOko buruaren ustez

Aug 31, 2024 | berria.eus | Ander Perez Zala

Ukrainako armadak, Errusian sartu, eta bi herrialdeen arteko mugatik gertu dagoen Kursk eskualdeari eraso zion hilaren 6an, Volodimir Zelenski presidentearen arabera, «eremu neutral bat» sortzeko. Ofentsiba militar hori hasi eta ia hilabetera, NATO Ipar Atlantikoko Itunaren Erakundearen idazkari nagusi Jens Stoltenberg lehen aldiz mintzatu da aferaz, eta publikoki erabateko babesa eman dio Kievek harturiko erabakiari, uste baitu zilegia dela, eta «bere burua defendatzeko» modu bat dela.
Macronek uko egin dio ezkerreko aliantzaren gobernuari

Aug 26, 2024 | berria.eus | Ander Perez Zala

Behin elkarrizketak amaituta, Emmanuel Macron Frantziako presidenteak ez du blokeo politikoa bideratu. Aldiz, aukera bat baztertu du: NFP Fronte Popular Berriak lehen ministro kargua izan eta gobernu bat osatzearena. Ezkerreko aliantzak du ordezkaritzarik handiena Asanblean, baina ez eserlekuen gehiengo osoa, eta beste alderdiekiko indar harreman hori baliatu du Macronek NFPk proposaturikoari uko egiteko. Hau da, «egonkortasun instituzionalaren» izenean hartu du erabakia Frantziako estatuburuak.
Iranek esan du erantzun "zehatza" emango diola Hamasen buruaren hilketari

Aug 26, 2024 | berria.eus | Ander Perez Zala

Abbas Araqtxi Irango Atzerri ministroaren arabera, Hamasen adar politikoko buruzagi zen Ismail Haniyeh Teheranen hil izana bere herrialdearen «subiranotasunaren eta segurtasunaren urraketa barkaezin bat» izan zen. Islamiar errepublikak Israeli leporatu dio Haniyehren hilketa, eta heriotza horregatik ohartarazpena egin dio Araqtxik Tel Avivi: Iranek erantzun bat emango du, «zehatza» eta «kalkulatua» izango dena.
FARCeko disidentzia talde baten barne gerra iragarri dute

Aug 21, 2024 | berria.eus | Ander Perez Zala

Erabat lehertu da FARC Kolonbiako Indar Armatu Iraultzaileak zenaren disidentzia talde handi bateko barne gatazka: Bloque Amazonas gerrillak ECM Estatu Nagusi Zentrala osatzen duten beste talde armatuen kontrako gerra iragarri du, horien artean izandako desadostasunen eta erasoen ondorioz. Komunikatu baten bitartez, gerrillak agerian utzi du ECMko barne zatiketak sakonak direla, eta bere burua defendatzeko modura deskribatu du erabaki hori hartu izana.
Macron, eta "beste kultura politiko bat" asmatzearen aitzakia

Aug 21, 2024 | berria.eus | Ander Perez Zala

Frantziako Asanblearako bozak egin eta ia bi hilabetera, Emmanuel Macronek ez du lehen ministrorik izendatu. Iragan uztailaren 10ean argudiatu zuen modura, «beste kultura politiko bat» asmatu nahi baitu, babes ahalik eta handiena biltzeko. Gehiengo osoetara eta egonkortasun politikora ohituta dagoen sistema politikoa desegonkortasunean eta aliantzen beharrean dago 2022az geroztik, eta aurtengo Asanblearako hauteskundeek ez dute egoera hori bideratu.