Arantxa Elizegi Egilegor

2 weeks ago | berria.eus | Arantxa Elizegi Egilegor

Argindar sarea erori izanak eragindako arazoak ez dira oraindik erabat konpondu. Garraio zerbitzuan izango dira gaur arazo nagusiak. Renfeko aldiriek, esaterako, geldirik jarraitzen dute oraindik eta hala jarraituko dute hainbat orduz, arazoak konpondu bitartean. Gauean zehar hainbat geltoki zabalik izan dira, bidaiariek gaua bertan igaro ahal izateko.

2 weeks ago | berria.eus | Arantxa Elizegi Egilegor

Mundu osoko presidente, gobernuburu eta buruzagiak bildu dira gaur Vatikanoan, Frantzisko aita santuaren hiletan. Bertaratu direnetako batzuk izan dira AEBetako presidente Donald Trump, Ukrainako estatuburu Volodimir Zelenski edota Europako Batzordeko buru Ursula Von der Leyen. Gobernuetako ordezkariez gain, baina, milaka izan dira Eliza katolikoko buruari azken agurra eman nahi izan dioten herritarrak: 400.000, Erromako iturrien arabera.

Dec 9, 2024 | berria.eus | Arantxa Elizegi Egilegor

HTS Sortaldea Askatzeko Erakundeak Baxar Al-Assaden agintaldia amaitua zela iragartzen zuen ia une berean ekin zioten Turkiak babestutako SNA Siriako Armada Nazionaleko indarrek Manbijen aurkako erasoadia gogortzeari. SDF Siriako Indar Demokratikoen esku zegoen hiria orain arte, baina, atzoko erasoaldiaren ostean, SNAren kontrolpean dago orain. Talde armatuak HTSrekin batera ekin zion duela bi aste Al-Assaden aurka, hura agintetik kentzeko helburu argiarekin.

Nov 26, 2024 | berria.eus | Arantxa Elizegi Egilegor

Aita Mari ontziak 33 migratzaile erreskatatu zituen joan den ostiralean Mediterraneoan, Libiako salbamendu eremuan. Bakarrik zihoazen hiru adingabe daude erreskatatutakoen artean. Goizaldeko 3:30ak aldera jaso zuen SMH Itsas Salbamendu Humanitarioko itsasontziak laguntza deia, eta goizaldeko 5:00etan heldu ziren ontzia zegoen tokira. Ontzian zihoazen migratzaileak akituta zeuden, baina osasun egoera onean.

Nov 21, 2024 | berria.eus | Arantxa Elizegi Egilegor

Bilbo Bizkaiko Ur Partzuergoak txorrotako urik ez edateko aholkatu die Astrabuduako (Erandio, Bizkai) bizilagunei, izan ere, joan den astean pitzatutako hodi bat konpontzen ari dira eta sarean sedimentuak egon litezke. Dena den, partzuergoak lasaitasuna eskatu du eta iragarri du espero duela arazoa datozen orduetan konpontzea. Bien bitartean, ordea, beste eremuren batean ura zikin heltzen dela nabarituz gero, txorrota tarte batez irekita uzteko eskatu dute.