Edu Lartzanguren

Basque Country

Kazetari nabil lanean, baina hemen idazten ditudanak erabat pertsonalak eta beste edonorenak bezalakoak dira: memeak, iritziak (zuzenak eta okerrak)...

Featured in: Favicon

berria.eus Favicon

vilaweb.cat

Articles

Fermin Muguruzaren akelarrea Berlingo punk-rockaren tenpluan

2 weeks ago | berria.eus | Edu Lartzanguren

Ez da arrotza Fermin Muguruza Berlinen. Are gutxiago kultur anitzen arragoa den Kreuzberg auzoan. 1970ko hamarkadatik punk-rockaren aterpe izan den SO36 kontzertu aretoa bete egin zuen ostiralean. «Ezin ihesi, Berlin, ezin ihesi zugandik». Kantuak eskaini izan dizkio Muguruzak Alemaniako hiriburuari, han izan ohi duen harrera kontatzeko eta eskertzeko. Die Toten Hosen, Dead Kennedys... punk-rockeko musikari nagusiak pasatu izan dira SO36 Oranienstrasseko klubetik.
Artola sailkatu da buruz-buruko finalerako, eta Altunaren aurka arituko da

2 weeks ago | berria.eus | Edu Lartzanguren

Jokin Altunaren kontra jokatuko du Iñaki Artolak datorren igandean buruz-buruko finala. Gasteizko Ogeta pilotalekuan Iker Larrazabalen aurka jokaturiko partidan nagusitu da gipuzkoarra, galtzen hasi arren. Atzo Jokin Altuna nagusi izan zen buruz buruko finalerdietan Unai Lasoren aurka, eta Aspekoa merezita sailkatu zen finalerako: 22-9 irabazi zion Donostiako Atano III.a pilotalekuan. Nahieran ibili zen Altuna III.a, eta ezinean Laso.
Vollering faboritoak irabazi du Itzulia, Donostiara bakarrik helduta

2 weeks ago | berria.eus | Edu Lartzanguren

Hirugarren itzulia bereganatu du Demi Vollering txirrindulariak gaur, Donostian. Lasterketak hiru etapa izan ditu, eta sailkapen nagusiaz gain, etapa ere irabazi du. Donostia-Donostia ibilbidea egin dute txirrindulariek, 112 kilometroko ibilbidean. Vollering bigarrena izan da Jaizkibelen, eta, horren bidez, lehenengo postuan jarri da mendiko sailkapenean. Etaparen hasierako protagonista izan dira Sara Martin (Moviestar) eta Celia le Mouel (CTC).
Athletic laugarren postuan gotortu da, Rayori irabazita

1 month ago | berria.eus | Edu Lartzanguren

Ostegunean Glasgowko Rangers taldearen itzuliko partidari aurre egiteko pizgarria lortu du bart Athleticek San Mamesen. Rayo Vallecano taldearen kontrako partidan galtzen joan arren, emaitza iraultzea lortu dute zuri-gorriek. Talde freskoarekin hasi zuen partida Valverde entrenatzaileak. Izan ere, Europako hitzorduari begira, jokalari nagusiak gorde egin zituen, atsedena emateko: Eskozian arituriko taldearekin alderatuta, bederatzi jokalari aldatu zituen. Horrek eragina izan zuen partidan.
Bi haur erietxera eraman dituzte Baionan zirku batean leherketa bat gertatu ostean

2 months ago | berria.eus | Edu Lartzanguren

Istripua gertatu zen atzo arratsaldean Baionako Musseroles parkean dagoen zirku batean. Leherketa bat gertatu da eta bost eta zortzi urteko bi haur zauritu dira. Erietxera eraman dituzte, eta horietako bat erredura larriekin dago. Lekukoen arabera, ikusleak zirkuaren estalpera sartu aurretik eginiko ikuskizunean gertatu da leherketa, 16:35 aldera. Bidoi batean sua egin dute zirkuko aktoreek, ikuskizunaren atariko gisa, eta horietako batek erregaia sutara bota duenean gertatu da leherketa.
Mallorcan katalanaren aldeko kanpaldian parte hartzera gonbidatu du Jagoba Arrasatek

2 months ago | berria.eus | Edu Lartzanguren

Osasuna utzi ostean, Mallorca futbol taldea entrenatzen dabil Jagoba Arrasate, eta hango gizartearekin eta hizkuntzarekin konpromisoa erakusten ari da. Bideo bat grabatu du apirilaren 5ean eta 6an Felanitxen (Mallorca, Herrialde Katalanak) egitekoa den Acampallengua ekitaldian parte hartzera gonbidatzeko. Euskaraz eta katalanez egiten du Arrasatek bideoan. «Egun on, bon dia», agurtu ditu ikusleak. «Acampallenguara gonbidatzen zaituztek, jai eta erreibindikazio asteburu batera».
Oscar saridun bat jipoitu eta atxilotu dute israeldarrek

2 months ago | berria.eus | Edu Lartzanguren

Hamdan Ballal zinema zuzendari palestinarra atxilotuta dago, kolono israeldar talde batek jipoitu eta Israelgo Armadak preso eraman ostean. Hala salatu du 'No other land' dokumentakaren beste zuzendariak, Yuval Abrahamek. Okupazioaren inguruko dokumentala zuzendu zuten biek batera eta Oscarra irabazi zuten otsailean. «Kolono talde batek Hamdam Ballal lintxatu berri du. Jo dute eta zauriak ditu buruan eta sabelean. Odoletan dago. Soldadu batzuk deituriko anbulantzian sartu dira eta eraman egin dute.
Osasunak ahul jarraitzen du, eta etxean galdu du Getaferen aurka

2 months ago | berria.eus | Edu Lartzanguren

Buru altxatu ezinik jarraitzen du Osasunak. Azken hamabost jardunaldiotan partida bakarra irabazi dute, eta gaur beste kolpe latz bat jaso dute. 2-1 galdu dute Getaferen aurka Sadarren, irabazten joan ostean. Ondo atera dira gorritxoak zelaira. Gol aukera gutxi egon dira partidaren lehenengo zatian, baina 44. minutuan Ibañezek baloi bat pasatu dio Aresori, eta hau arean sartu eta Budimirren oinetan jarri du baloia. Arriskua ikusita, Getafeko Duartek lurrera bota du Budimir.
Realak puntu bat eskuratu du Vallecasen

2 months ago | berria.eus | Edu Lartzanguren

Arantza zuen sartuta Realak joan zen ostegunean Manchesterren porrot egin ostean, eta, nolabait ere, ateratzen hasi da. Bina berdindu du Rayo Vallecanoren etxean, Madrilen. Aurretik jarri dira txuri urdinak partidak 20 minutu zituenean. Martin Zubimendik gola sartu du, Sergio Gomezek korner bat atera duenean. Bakarrik utzi dute arean, eta bolea baten bidez sareratu du. Zubimendi ere protagoista izan da Rayoren berdinketan. Izan ere, irrist egin du arean, eta bidea eman dio Oscar Trejori gola sartzeko.
Athletic 0-1 gailendu zaio Sevillari

2 months ago | berria.eus | Edu Lartzanguren

Ligako laugarren postuan gotortu egin da Athletic gaur. Gatzik gabeko partida baten ostean, bazirudien golik gabe amaituko zela neurketa Sevillan, baina Yeray Alvarezek 85 minutuan eman die garaipenaren gola zuri gorriei, baloi bat buruz Sevillaren atean sartuta. «Erromaren kontra sailaktu ostean, bagenekien irabazi behar genuela laugarren postua ziurtatzeko», esan du Yerayk partidaren ostean. «Betis estutzen ari da. Irabazi nahi genuen.