Ekhi Erremundegi Beloki

6 days ago | berria.eus | Ekhi Erremundegi Beloki

Ipar Euskal Herrirako «etapa instituzional berri bat» lantzera engaiatu dira Batera plataformako kideak Ezpeletan (Lapurdi) egin duten biltzar nagusian. Azken urteetan lo zegoen herritar mugimendua birfundatu dute, eta estatus bereziko lurralde kolektibitate baten aldeko herri mobilizazioaren fase berri bat abiatuko dutela iragarri dute. Instituzio berri horren eredua adostea izanen da lehen lana, ondoren, kontsentsu horrekin Frantziako Estatuko arduradunekin negoziazioak abiatzeko.

1 week ago | berria.eus | Ekhi Erremundegi Beloki

Betharramgo afera zabaldu ondoan, Ipar Euskal Herriko hainbat ikastetxetan izandako bortizkeriak argitara eman dira azken hilabeteetan. Apiril hasieran, hamahiru salaketa jarri zituzten Baionako Auzitegian. Gehienak ikastetxe katolikoetan gertatuak dira, baina Angeluko Jean Jaures ikastetxe publikoan (Lapurdi) izandako bortizkeriak ere salatu ditu biktimetako batek. «Eskola publikoan ere ohikoak ziren bortizkeriak», berretsi du Beak —ez du abizena agertzerik nahi—.

1 week ago | berria.eus | Ekhi Erremundegi Beloki

2014ko urtarrilean bideo bat grabatu zuen ETAk, armategia indargabetzeari ekin ziola egiaztatzeko. Ram Manikkalingam eta Ronald Kasrils Nazioarteko Egiaztatze Batzordeko kideak ageri ziren, ETAko bi kiderekin batera, erakundearen armak zeuzkan mahai baten aitzinean. Bideo hori haren etxean izan zela jakinarazi du berriki Mikel Epalzak (Haltsu, Lapurdi, 1946); Zokoako (Lapurdi) apaizetxean zehazki. Gerora, ETAk zigilatutako arma kaxen giltzak banan-bana eskuratu eta atxiki zituen.

3 weeks ago | berria.eus | Ekhi Erremundegi Beloki

«Ele ederrak ez dira aski». Honela iharduki du Seaskak, EEP Euskararen Erakunde Publikoko ordezkariek eta Ipar Euskal Herriko parlamentariek Frantziako Hezkuntza Ministerioko ordezkariekin egindako bilkuren ondotik. Parisen egin zuten bilkura apirilaren 10ean eta Baionan elkartu ziren joan den astean. Bordeleko Akademiako errektore berria «prest» agertu zen euskarazko irakaskuntzari buruzko aitzinamendu batzuk lantzeko. Asmoak eta borondateak.

3 weeks ago | berria.eus | Ekhi Erremundegi Beloki

ELB, Lurzaindia eta Ostiak Kanboko (Lapurdi) Marieneko lurretan baratze bat landatzera deitu dituzte herritarrak. Maiatzaren 17an eginen dute landatzea, eta egun osoko egitaraua antolatu dute. «Marienea laborantza lurra da, bere belardiak betidanik landuak izan dira. Barazkiak ere landatu daitezkeela erakutsi nahi dugu», adierazi dute deialdian. «Lekuko eta kalitatezko mozkinen biltzeko ahala emanen du, ingurumena errespetatuz eta kontsumitzaileekin harremanetan jarriz».