Elaine Krige

6 days ago | maroelamedia.co.za | Elaine Krige

Provinsiale en nasionale departemente in Mpumalanga skuld munisipaliteite hier amper R2 miljard. Kenners waarsku dié skuld plaas aansienlike finansiële las op munisipaliteite, wat uiteindelik die gehalte van dienslewering aan inwoners knou. Luidens ʼn voorlegging van die provinsiale tesourie in Mpumalanga in die parlement het provinsiale en nasionale departemente se skuld aan munisipaliteite in dié provinsie sedert 2020 met amper R70 miljoen toegeneem.

1 week ago | maroelamedia.co.za | Elaine Krige

Die departement van internasionale betrekkinge en samewerking (Dirco) het bevestig dat hy Vrydag met die Amerikaanse regering in gesprek getree het oor berigte dat die eerste Afrikaner-vlugtelinge al op pad is na die VSA. Volgens die departement het adjunkminister Alvin Botes Vrydag met Christopher Landau, die VSA se adjunkminister van buitelandse sake, in gesprek getree.

1 week ago | maroelamedia.co.za | Elaine Krige

Meer as 400 hoërskole bied glad nie meer suiwer wiskunde as vak aan nie omdat geen leerders in dié skole dit meer wil neem nie of daar geen onderwysers is om dit aan te bied nie. Dit, sê kenners, is uiters problematies, aangesien wiskunde die deur na gesogte loopbane oopmaak wat nou vir dié matrikulante verborge is.

1 week ago | maroelamedia.co.za | Elaine Krige

Honderde onderwysers spook om van voor af by die Suid-Afrikaanse Raad van Opvoeders (Sace) te registreer, al is hulle in besit van ʼn geldige bewys van registrasie. Dié onderwysers het die afgelope week briewe van Sace ontvang wat lui dat hulle nie geregistreer is nie en net tot 9 Mei het om al die nodige dokumentasie – en die R200 registrasiefooi – in persoon by Sace se kantoor in Centurion in te dien. Indien onderwysers nie by Sace geregistreer is nie, kan hulle nie praktiseer nie.

1 week ago | maroelamedia.co.za | Elaine Krige

Die nuuswebwerf Daily Maverick moet Solidariteit en AfriForum om verskoning vra nadat die persombudsman bevind het ʼn spotprent deur die bekende tekenaar Shapiro het die perskode oortree. Die spotprent moet ook so gou moontlik van die webwerf verwyder word. Die spotprent is op 15 Februarie geplaas en beeld dr. Dirk Hermann, bestuurhoof van Solidariteit, en Kallie Kriel, uitvoerende hoof van AfriForum, uit met die opskrif “The boys who cried wolf”.