Maroela Media

5 days ago | maroelamedia.co.za | Antoinette Slabbert

Ná jare van aftakeling en inkrimping is daar ʼn nuwe gees van optimisme in die Suid-Afrikaanse kernkragbedryf. Só sê Koos du Bruyn wat einde Desember ná ʼn loopbaan van 46 jaar in dié bedryf as senior reaktorbestuurder van die SAFARI-1-navorsingsreaktor afgetree het. Die reaktor is op die Suid-Afrikaanse Kernkragkorporasie (Necsa) se terrein by Pelindaba buite Pretoria en het pas sy 60ste verjaarsdag gevier.

5 days ago | maroelamedia.co.za | Johann Gresse

“Dêt was klous!” sou Borrie Veldt van Die Swart Kat-faam waarskynlik in sy beste Engels gesê het as hy Saterdag se Verenigde Rugbykampioenskap-wedstryd tussen die Stormers en Connacht op die DHL-stadion dopgehou het. Want ná net ʼn rapsie meer as 80 minute se spel het die Kapenaars as oorwinnaars van die veld met ʼn eindtelling van 34 – 29 gestap.

6 days ago | maroelamedia.co.za | Johann Gresse

Die Chennai Super Kings is een van die suksesvolste spanne in die Indiese Premierliga (IPL). MS Dhoni en kie het al vyf keer (in 2010, 2011, 2018, 2021 en 2023) met die uiteindelike louere weggestap, terwyl hulle ook al ʼn paar keer die naaswenners was. Maar in vanjaar se weergawe van die gewilde mik-en-mokertoernooi kry hulle beslis die wind van voor. Die span in geel geniet tans houtlepelstatus en hulle kon nog net twee van hul sewe wedstryde gewen het.

6 days ago | maroelamedia.co.za | Johann Gresse

Carlos Alcaraz het  ʼn uur en 40 minute benodig om met Alex de Minaur in die kwarteindstryd van die Barcelona-ope klaar te speel. Die eindtelling was 7-5 en 6-3 in die Spaanse ster se guns en hy is op koers om sy derde titel in vier jaar op die kleibane van Barcelona in te oes. Volgens Alcaraz het hy veral met sy afslaanwerk in die eerste stel gesukkel. “Ek dink my afslane is nou al ʼn sielkundige struikelblok vir my.

1 week ago | maroelamedia.co.za | Christel Raubenheimer Cornelissen

Die VSA is ʼn noemenswaardige uitvoerbestemming vir Suid-Afrikaanse suiker, met meer as 24 000 ton wat jaarliks na die Amerikaanse mark uitgevoer word – die maksimum wat die huidige kwota toelaat. ʼn Nuwe tariefstruktuur, of dit nou 10% of 30% vir Suid-Afrika is, gaan egter die volhoubaarheid hiervan ernstig in die weegskaal plaas weens verhoogde produksie- en vervoerkoste, wat weer die plaaslike bedryf minder mededingend maak.