Imanol Magro Eizmendi

Basque Country, Bilbao, Eibar

Editor at Berria

#ahobizi BERRIAko ekonomia saileko kazetaria. Tabernariaren semea beti lotsagabe.

Featured in: Favicon

berria.eus

Articles

Konfekoop: «Kooperatibak ez dira deslokalizatzen, ogasunek kontuan izan behar dute hori»

1 week ago | berria.eus | Imanol Magro Eizmendi

Arabako, Bizkaiko eta Gipuzkoako ogasunek esana dute aurtengo zerga berrikuspena enpresen jardunera zuzenduko dutela. Mota ezberdinetako enpresek haien eskaerak bideratzen ari dira, eta kooperatibak ez dira gutxiago. Haien izenean mintzatu da Konfekoop Euskadiko Kooperatiben Konfederazioa, eta tratu hobea eskatu du, batez ere txikientzat, eta nabarmendu du enpresa merkantil eta kooperatiboek jasotzen duten tratuaren aldea gero eta txikiagoa dela.
ELAk 1.450 eurora igo du erresistentzia kutxa, gutxieneko soldataren %105era

1 week ago | berria.eus | Imanol Magro Eizmendi

ELA sindikatua 104.159 afiliaturekin iritsiko da 16. Kongresura. Duela lau urte egin zuen aurreko biltzar orokorra eta orduan zituenak baino 3.234 gehiago dira horiek. Lau urteko honetan azken hamarkadako hazkundeari eutsi dio eta 2012ko datuetatik oso gertu dago dagoeneko: 105.312 afiliatu zituen orduan. Aurretik krisi ekonomikoak gogor eragin zien sindikatuei, eta 2017an 98.960 afiliatura jaitsi zen. Dena den, oraindik pixka bat urrun ditu 2008ko 109.318 afiliatuak.
Eroskik %24 gutxiago irabazi zuen iaz, zerga gehiago ordaindu zituelako

1 week ago | berria.eus | Imanol Magro Eizmendi

«Iazko urtearekin oso pozik gaude. Zerga aurreko emaitza 2023koa baino askoz hobea izan zen. Talde sendoa garela berretsi zen». Esaldia Rosa Carabel Eroski taldeko kontseilari ordezkariarena da, eta deigarria izan daiteke, kontuan hartuta enpresaren irabazi garbia 2023koa baino %24,35 txikiagoa izan zela. Mondragon taldeko banaketa kooperatibaren emaitza ulertzeko, baina, bisturia sartu behar da, eta Espainiako Sozietate Zergaren legean egon zen aldaketa bati erreparatu.
Langabe kopurua %1,9 jaitsi zen apirilean Hego Euskal Herrian

1 week ago | berria.eus | Imanol Magro Eizmendi

Apirila hilabete ona izan ohi da enplegurako, eta aurten ere joera horri eutsi dio Hego Euskal Herrian. Zerbitzuen sektorearen tiradizoaren eraginez langabe kopurua %1,9 jaitsi zen iazko hilabetean. Gauzak hala, 136.302 langabe zenbatu zituen SEPE Espainiako Enplegu Zerbitzu Publikoak. Martxoan zenbaturikoak baino 2.479 gutxiago dira horiek eta iazko apirilean baino 3.492 gutxiago (-%2,5).
Kutxabanken Indar inbertsio funtsa hamabi enpresarekin harremanetan dago 100 milioi euroko operazioak egiteko

1 week ago | berria.eus | Imanol Magro Eizmendi

Kutxabank enpresei begira dago eta are gehiago sakondu nahi du haiekin duen lankidetza. Urteak dira norabide horretan lanean dagoela eta Anton Arriola bankuko presidenteak apustu hori berretsi du Deusto Business Alumnik antolaturiko hitzaldi batean: «Herri honen banku estrategikoa izateko ez ditugu bakarrik mailegu hipotekarioak eman behar, enpresei finantzazioa eman behar diegu».
Soldata propioaren eskaerak sindikatu subiranistak gerturatu ditu Maiatzaren Lehenean

2 weeks ago | berria.eus | Imanol Magro Eizmendi

Elkarrengandik urrun daude ELA eta LAB, baina egun bada bi sindikatu subiranistak lotzen dituen zilbor heste bat: Hego Euskal Herrirako 1.500 euroko gutxieneko soldata propioaren aldeko borroka. Lan ikasturtea baldintzatuko duen eskaera da, eta Maiatzaren Leheneko manifestazioetan biek lehen lerrora ekarri dute. Lehen lerrora baino gehiago, pankartetara ere bai; ELAk Gutxieneko soldata hemen erabaki lelopean martxatu delako eta LABek Patronala esplotatzailea! Langileen alde.
Gatika-Cubnezais goi tentsioko argindar linearen beharra nabarmendu du EEEk

2 weeks ago | berria.eus | Imanol Magro Eizmendi

Euskal Energia Erakundeak (EEE) argindar sare eta azpiegiturak indartzen jarraitzearen garrantzia nabarmendu du. Mikel Amundarain presidentearen ustez, herenegungo itzalaldian argi gelditu zen Araba, Bizkai eta Gipuzkoako sareek dute erresilientzia maila, eta lurraldeko zati handi batean argindarra bizkor berreskuratu izanaren gakoak bi zirela esan du: batetik, mix energetikoaren osaketa, eta bestetik, nazioarteko lorturen garrantzia.
Hiru istripu, hiru borrokaren pizgarri

2 weeks ago | berria.eus | Imanol Magro Eizmendi

Lan istripuen atzean istorio pertsonalak egoten dira. ELAren arabera, iaz ia 70.000 lan istripu izan ziren Hego Euskal Herrian, eta, patronalak «absentismoaz bakarrik» hitz egin nahi duela salatzeaz gain, sindikatuak giza ikuspegitik aztertu nahi izan ditu ezbehar horiek apirilaren 28an, Laneko Segurtasunaren eta Osasunaren Nazioarteko Egunean. Horretarako, lan istripu bat izandako hiru langileren testigantzak jaso, eta EHUko Bizkaia Aretoko tranpaldora igo ditu.
Bakearen aldeko "nazioartbeko lobby bat osatzera deitu dute Gernikan

2 weeks ago | berria.eus | Imanol Magro Eizmendi

Apirilaren 26 egun berezia da Gernikan (Bizkaia). Bonbardaketaren urteurrenean, memoriak hiritarrak eta kaleak irensten ditu. Bazkalostean jotzen du goia saminak, sirena hotsek 1937ko zaparrada hilgarria gogoratzen dutenean eta gernikar guztiak kalera irten eta isiltasunari eusten diotenean. Isiltasuna errespetuzkoa da, baina harekin bakarrik ez dela nahikoa uste du Nazio Batuen Zibilizazioen Aliantzak (NBZA), eta «bakearen aldeko oihu bat» ere beharra dela uste du. Baina zer oihu?
Gernikak Italiari eskatu dio onar dezala bonbardaketan izan zuen ardura

2 weeks ago | berria.eus | Imanol Magro Eizmendi

Jose Maria Gorroño Gernikako (Bizkaia) alkateak 1937ko bonbardaketan izan zuen ardura onartzeko eskatu dio Italiako gobernuari. Bakearen eta berraskidetzearen aldeko Gernika Sarien banaketa ekitaldiaren aurkezpenean egin du eskaera. Nabarmendu du lehenbizi Alemania izan zela eragindako kaltea aitortu zuena, ondoren Espainia, 2022an, eta gaitzetsi du Italiak oraindik ez duela halakorik egin: «Garaia da bere armadak sarraskian eren parte hartu zuela onartzeko».