Iosu Alberdi

1 week ago | berria.eus | Iosu Alberdi

Nazio Batuen Erakundeko Torturaren Aurkako Batzordeak Raul Fuentes euskal presoak 1991n pairatutako torturak ez ikertzea leporatu dio Espainiari. Ez da lehen aldia Espainia organo haren jomugan dagoela, baina auziak badu berezitasun bat, Giza Eskubideen Euskal Herriko Behatokiak azaldu duenez. Zehazki, salatu du Fuentesen salaketa artxibatu zutela preskribatuta zegoela argudiatuta. Hau da, berretsi egin du nazioarteko legediaren arabera tortura delituek ez dutela preskribatzen.

1 week ago | berria.eus | Iosu Alberdi

ELA sindikatuak astebeteko greba partzial baterako deia egin die Arabako, Bizkaiko eta Gipuzkoako espetxeetako funtzionarioei, Eusko Jaurlaritzako Justizia eta Giza Eskubideen Sailaren «itxikeriari» erantzuteko. Ekainaren 9tik 15era bitarte, hiru orduko lanuzteak egingo dituzte, 13:00etatik 16:00etara, eta gehitu dute mobilizazioei eutsiko dietela Jaurlaritzak euren eskaerei erantzun ezean.

1 week ago | berria.eus | Iosu Alberdi

EH Bilduk legez besteko proposamen bat aurkeztu du Eusko Legebiltzarrean, Gogora institutuari eskatzeko «beharrezko diren baliabide juridiko guztiak» balia ditzala Iratxe Sorzabalen eskubideak babesteko eta haren kontrako torturen egileen ardura penalak ikertzeko. Era berean, eskaera baliatu nahi dute exijitzeko neurriak har ditzatela «tortura pairatu duten euskal herritar guztiak» egia, justizia eta erreparaziorako duten eskubidea bermatzeko.

1 week ago | berria.eus | Iosu Alberdi

EAJk eta PSOEk Pedro Sanchezen inbestidurarako akordioan adostutakoaren arabera, Gernikako Estatutuan jasotako eskumen guztiek Eusko Jaurlaritzaren esku beharko lukete urtea amaitzerako. «Gero eta gutxiago falta da», adierazi du Jaurlaritzako Autogobernu sailburu Maria Ubarretxenak, epe horri erreferentzia eginez, eta gehitu du adostutakoa betetzeko «sukalde lanetan» ari direla. Lan horien hurrengo emaitzak udako entenaren aurretik iritsi daitezke, esan duenez.

1 week ago | berria.eus | Iosu Alberdi

Imajinatu libre abestia kaleratu du Gure Esku-k, ekainaren 7rako deitu duen mobilizaziora begira. Bilboko kaleak aldarrikapen eta festa giroan bete nahi ditu plataformak, eta gaur aurkeztutakoa «kalejira erraldoi» haren soinu banda izatea nahi dute. «Euskal Herriko jaiak eta gure kultura oinarri hartutako sortutako abestia da», adierazi du plataformak. Gozategi taldeak sortu du kantua, eta haren grabaketa lanetan parte hartu dute Alaitz eta Maiderrek eta Sua Enparantzak.