Isabel Jaurena

6 days ago | berria.eus | Isabel Jaurena

«Konspirazio, borroka eta iraultza feministan jarraitzeko topagunea». Horrela definitu dute Euskal Herriko Gazte Feministek udazkenean eginen duten Baterajotze berria. Urriaren 31tik azaroaren 2ra bitarte Zaldibarren (Bizkaia) elkartuko dira feministak: «Garaipenak eskuratzen jarraitzeko estrategien pentsaleku izango dugu Zaldibar, ortzimuga feminista marrazteko unea». Gaur egin dute jardunaldiaren dataren berri emateko agerraldia, Zaldibarren bertan.

1 week ago | berria.eus | Isabel Jaurena

Ihurtzuri Ipar Euskal Herriko talde feministak salatu du Ziburuko (Lapurdi) abeslari batek mota ezberdinetako erasoak egin dituela, tartean sexu erasoak; eta, gerora, eraso horiek «gutxietsi» dituela. «Trabarik gabe bere proiektu musikala aitzina eramateko, erasotuak barkamenak onartu dizkiola hedatu du, nahiz eta ez den hala izan», dio taldeak sare sozialen bidez zabaldutako oharrak. Erran dutenez, gisako jarrera ez da isolatua; are, kulturgintzan «hedatua» da, beren irudiko.

1 week ago | berria.eus | Isabel Jaurena

Nafarroako Justizia Auzitegi Nagusiak hamabi urteko kartzela zigorra ezarri dio gizon bati, arrebaordea bi aldiz bortxatzeagatik. 2020ko martxoa eta apirila bitarte izan ziren erasoak, Iruñeako etxebizitza batean: biktimak 17 urte eta erasotzaileak 20 zituenean izan zen lehenbiziko erasoa. Epaiketa joan den apirilaren 9an izan zen: fiskaltzak, guztira, hamabi urte eta egun bateko kartzela zigorra eskatu zuen, akusazio partikularrak hamalau urte eta sei hilabetekoa eta defentsak absoluzioa.

1 week ago | berria.eus | Isabel Jaurena

Euskal Herriko zenbait gaztetxetako eta gazte asanbladetako kideek salatu dute azken asteotan «kriminalizazioa eta errepresio poliziala» jasan dutela gaztetxeak defendatzeagatik. Elkartasuna adierazi diete errepresioa pairatu duten gazte guztiei, eta aurrerantzean ere kaleak hartzera deitu. Bilbon egin dute agerraldia, eta Errekalde auzoko Etxarri II gaztetxearen hustea ekarri dute gogora: eraikina husteko agindua apirilaren 4rako zen, baina ertzainak bezperatik hasi ziren inguruak hartzen.

1 week ago | berria.eus | Isabel Jaurena

Donostia helmuga, Bardean (Nafarroa) hasi, eta Araba, Bizkaia eta Lapurdi zeharkatuko dituen ibilbidea eginen du larunbatean Euskal Herriko Emakumeen Mundu Martxak. Nazioarteko VI. ekintzaren baitako ekimena da, eta zapalkuntzaren hiru ardatz landuko dituzte bertan: lurraren defentsa, migrazio politikak eta indarkeria matxistak. Finean, «herrien burujabetzak eta bizitza duinak» jarriko dituzte erdigunean, eta «indarkeriarik gabeko gorputz eta lurraldeen alde» antolatuko dira.