Johann Gresse

South Africa

Journalist at Maroela Media

Featured in: Favicon

maroelamedia.co.za Favicon

mobserver.co.za

Articles

Bulletjie jou hier, Bulletjie jou daar, en siedaar

5 days ago | maroelamedia.co.za | Johann Gresse

As jou Afrikaans-juffrou jou ooit vra om ŉ sin met “ ŉ miernes van bedrywighede” te maak, dan moet jy net toesien dat jou probeerslag na Saterdag se Bulletjiefees by Midstream Ridge Laerskool verwys. Jy kan sommer ook van dieselfde voorbeeld gebruik maak wanneer sy jou oor die betekenis van “seepgladde reëlings” of “spelers met emmersvol entoesiasme en talent” uitvra.
Goud, goud en brons vir SA se aflossterre

5 days ago | maroelamedia.co.za | Johann Gresse

Wat het Akani Simbine in die jongste tyd met koning Midas gemeen? Alles waaraan hulle raak verander in goud. Die 31-jarige Simbine het Sondag met ŉ uitstekende ankerlopie vorendag gekom om goud vir Suid-Afrika se 4 x 100 m-aflosspan by Wêreldatletiek se afloskampioenskap in China in te oes. Die Suid-Afrikaners – ŉ mens kan hoegenaamd nie van Bayanda Walaza, Sinesipho Dambile en Bradley Nkoana vergeet nie – het die eindronde in ŉ tyd van 37,61 s gewen.
Sinner seëvierend ná skorsing

5 days ago | maroelamedia.co.za | Johann Gresse

Jannik Sinner het sy terugkeerwedstryd met ŉ oorwinning gevier toe hy vir Mariano Navone met 6-3 en 6-4 geklop het. Die Italiaanse ster – wat steeds die voorste speler op die ATP-ranglys is – het vroeër ŉ skorsing van drie maande uitgedien nadat hy positief vir ŉ verbode middel getoets het. Volgens Sinner is dit ŉ ongelooflike gevoel om weer op die baan te stap. “Ek het lank hiervoor gewag en ek is baie bly om terug te wees.
SA se aflosatlete is stralerjakkers

5 days ago | maroelamedia.co.za | Johann Gresse

Suid-Afrika se 4 x 100-mansaflosspan van Bayanda Walaza, Sinesipho Dambile, Bradley Nkoana en Akani Simbine het in die kwalifiserende rondes van Wêreldatletiek se afloskampioenskap laat wiel met ŉ tyd van 37,84 s. Japan het weliswaar in een van die latere kwalifiserende rondes presies dieselfde tyd gehardloop maar ai; dit was lekker om Simbine en kie só te sien hardloop. Die 31-jarige Simbine is deesdae goed op dreef en wys gereeld hakskene vir gerekende teenstanders op die 100 m-verhoog.
SA se aflosatlete is stralejakkers

5 days ago | maroelamedia.co.za | Johann Gresse

Suid-Afrika se 4 x 100-mansaflosspan van Bayanda Walaza, Sinesipho Dambile, Bradley Nkoana en Akani Simbine het in die kwalifiserende rondes van Wêreldatletiek se afloskampioenskap laat wiel met ŉ tyd van 37,84 s. Japan het weliswaar in een van die latere kwalifiserende rondes presies dieselfde tyd gehardloop maar ai; dit was lekker om Simbine en kie só te sien hardloop. Die 31-jarige Simbine is deesdae goed op dreef en wys gereeld hakskene vir gerekende teenstanders op die 100 m-verhoog.
Stormers draai driedruksluise oop

5 days ago | maroelamedia.co.za | Johann Gresse

Die Stormers het ŉ groot tree na ŉ plek in die uitspeelrondes van die Verenigde Rugbykampioenskap gegee toe hulle die Dragons met 48 – 12 in Kaapstad oorrompel het. Die Kapenaars het sewe superdrieë in nat toestande gedruk en hulle beklee tans die vyfde plek op die amptelike VRK-punteleer.
Bulls stoomroller Cardiff met vonkelwynrugby

6 days ago | maroelamedia.co.za | Johann Gresse

Ná 80 minute se spel op Loftus Versfeld het die Bulls (tydelik?) na die tweede plek van die Verenigde Rugbykampioenskap-punteleer opgeskuif. Die Pretorianers het amok gemaak en ses drieë gedruk om vir Cardiff met 45 – 21 te klop. Van die arme Walliese spelers het waarskynlik gedink hulle is terug in die Wiskunde-klas want hulle het gesukkel om die Bulls se agterste driehoek onder die knie te kry. Willie le Roux, Canan Moodie en Sebastian de Klerk het die lewe nag vir die besoekers gemaak.
Junior Bokke moet beter teen Kiwi’s

6 days ago | maroelamedia.co.za | Johann Gresse

Die Junior Springbokke het in hul vorige wedstryd teen Australië verloor en hulle sal nou beslis ŉ beter vertoning teen Nieu-Seeland moet lewer. Die twee spanne kruis Sondag swaarde in Gqeberha en die Kiwi’s is in ŉ onverskrokke bui nadat hulle vroeër meer as 70 punte teen Argentinië aangeteken het. “Ons is bitter teleurgesteld omdat ons nie vir Australië kon klop nie, maar ons het ook belangrike lesse in aanloop tot die Wêreldkampioenskap geleer,” het Kevin Foote gesê.
Sharks (en sekerlik Bokke) sweet oor Eben

6 days ago | maroelamedia.co.za | Johann Gresse

Die Sharks het uiteindelik Vrydagaand heel gemaklik met die Ospreys (29 – 10) in ŉ Verenigde Rugbykampioenskap-wedstryd in Durban klaargespeel. Maar die enigste donker randjie aan ŉ andersins silwer wolkie is Eben Etzebeth se besering. Die 33-jarige slot het in die eerste helfte ŉ oënskynlike kniebesering opgedoen, maar hy was bereid om aan te hou speel. Die ongemak het egter later net te erg geword en hy is met ŉ gholfkarretjie van die veld vervoer.
Carlos slaag sy terugkeertoets in Rome

6 days ago | maroelamedia.co.za | Johann Gresse

Carlos Alcaraz is weer op die wenpad nadat hy voldoende van sy besering herstel het. Die Spaanse tenniskroonprins het vir Dusan Lajovic met 6-3 en 6-3 in Rome geklop nadat hy die kleibaanskouspel in Madrid misgeloop het. Maar die 22-jarige ster het met selfvertroue op Campo Centrale rondbeweeg en hy het oudergewoonte met sy houespel uitgeblink om sy teenstander te oordonder. “Ek voel goed.