-
6 days ago | 
maroelamedia.co.za | Johann Gresse
“Dêt was klous!” sou Borrie Veldt van Die Swart Kat-faam waarskynlik in sy beste Engels gesê het as hy Saterdag se Verenigde Rugbykampioenskap-wedstryd tussen die Stormers en Connacht op die DHL-stadion dopgehou het. Want ná net ʼn rapsie meer as 80 minute se spel het die Kapenaars as oorwinnaars van die veld met ʼn eindtelling van 34 – 29 gestap.
-
6 days ago | 
maroelamedia.co.za | Johann Gresse
Die Chennai Super Kings is een van die suksesvolste spanne in die Indiese Premierliga (IPL). MS Dhoni en kie het al vyf keer (in 2010, 2011, 2018, 2021 en 2023) met die uiteindelike louere weggestap, terwyl hulle ook al ʼn paar keer die naaswenners was. Maar in vanjaar se weergawe van die gewilde mik-en-mokertoernooi kry hulle beslis die wind van voor. Die span in geel geniet tans houtlepelstatus en hulle kon nog net twee van hul sewe wedstryde gewen het.
-
6 days ago | 
maroelamedia.co.za | Johann Gresse
Carlos Alcaraz het ʼn uur en 40 minute benodig om met Alex de Minaur in die kwarteindstryd van die Barcelona-ope klaar te speel. Die eindtelling was 7-5 en 6-3 in die Spaanse ster se guns en hy is op koers om sy derde titel in vier jaar op die kleibane van Barcelona in te oes. Volgens Alcaraz het hy veral met sy afslaanwerk in die eerste stel gesukkel. “Ek dink my afslane is nou al ʼn sielkundige struikelblok vir my.
-
1 week ago | 
maroelamedia.co.za | Johann Gresse
Oscar Piastri het ʼn seepgladde vertoning in Bahrein gelewer om sy tweede wedren van die seisoen agter die stuur van sy McLaren-renmotor te wen. Die jong Australiër het kwalik ʼn fout gemaak en hy het uiteindelik met meer as 15 sekondes gewen. Mercedes se George Russell het tweede oor die wenstreep gejaag, gevolg deur Lando Norris in sy McLaren.
-
1 week ago | 
maroelamedia.co.za | Johann Gresse
Carlos Alcaraz het sy eerste Monte Carlo-titel ingeoes toe hy vir Lorenzo Musetti met 3-6, 6-1 en 6-0 geklop het. Dit was terselfdertyd die sesde ATP 1000-titel van sy jong loopbaan. Musetti het weliswaar goed begin om die eerste stel te beklink, maar daarna het hy fisiek gesukkel om by Alcaraz kers vas te hou. Die Italianer het behandeling aan sy regterbeen ontvang en sy wedstryde teen Matteo Berrettini, Stefanos Tsitsipas en Alex de Minaur het sekerlik hul tol geëis.
-
1 week ago | 
maroelamedia.co.za | Johann Gresse
Ja, Edinburgh is – veral op sy tuisveld – gedugte teenstanders en ʼn mens kan nie die rugbyvernuf van spelers soos Darcy Graham, Hamish Watson en Jamie Ritchie geringskat nie; maar heimlik moes die meeste Bulls-ondersteuners geglo het dat hul span goed genoeg is om die Skotse klub te klop. Maar die geskiedboeke sal wys dat Edinburgh die Bulls met 34 – 28 in die kwarteindstryd van die Europese Uitdaagbeker geklop het.
-
1 week ago | 
maroelamedia.co.za | Johann Gresse
Toe Marcus Stoinis vier agtereenvolgende sesse in die laaste boulbeurt geslaan het, het die Punjab Kings waarskynlik gedink dat hulle oor genoeg momentum beskik om die wedstryd te wen. Shreyas Iyer se span het immers ʼn reusagtige 245/6 op die telbord gehad en boonop het die Sunrisers Hyderabad nog nie behoorlik in vanjaar se Indiese Premierliga vlam gevat nie. Maar toe loop hulle hul vas teen ʼn Abhishek Sharma-stoomtrein.
-
1 week ago | 
maroelamedia.co.za | Johann Gresse
Wie sê 31 jaar is oud vir ʼn naelloper? Akani Simbine het Saterdag gewys dat hy nog 100 m-hakskene vir enige teenstander kan wys toe hy in Gaborone die Botswana Grand Prix-byeenkoms in ʼn spoggerige tyd van 9.90 s gewen het. Dit is nie net (wêreldwyd) die vinnigste 100 m-tyd van 2025 nie, maar hy het ook ʼn sielkundige slag geslaan toe hy Kenia se Ferdinand Omanyala geklop het. Simbine het in baan ses weggespring met Omanyala aan sy binnekant.
-
1 week ago | 
maroelamedia.co.za | Johann Gresse
Carlos Alcaraz het vir sy derde kleibaan-eindstryd op ʼn streep gekwalifiseer toe hy vir Alejandro Davidovich Fokina met 7-6 en 6-4 in Monte Carlo geklop het. Die 21-jarige speler het verlede jaar met die Franse Ope-louere op Roland-Garros weggestap, waarna hy in die Olimpiese gouemedaljewedstryd teen Novak Djokovic op die einste baan vasgeval het. Maar hy het lanklaas in die eindstryd van ʼn ATP 1 000-toernooi gespeel; 13 maande terug om presies te wees.
-
1 week ago | 
maroelamedia.co.za | Johann Gresse
Wanneer Aiden Markram op sy stukke is, is daar min internasionale kolwers wat by hom kan kers vashou. Die Protea-speler handhaaf dan die perfekte balans tussen kragspel en elegansie en omtrent elke hou is ʼn kykweersessie werd. Markram het Saterdag 58 lopies van 31 aflewerings in die kleure van die Lucknow Super Giants teen die Gujarat Titans aangeteken. Hy het goeie vennootskappe saam met Rishabh Pant en Nicholas Pooran geniet om toe te sien dat die Giants die wedstryd met ses paaltjies beklink.
