Joxerra Senar

5 days ago | berria.eus | Joxerra Senar

Muga meatokiaren bultzatzaile nagusiak, Ignacio Salazarrek, dimisioa eman du. Geoalcali enpresako kontseilari ordezkariak kargua utzi du, meatokia ustiatzeko baimenak auzitegietan trabatuta daudelako. Highfield Resources Limited enpresak bere webgunean jakinarazi du ostirala izan zuela azken eguna Salazarrek zuzendari gisa. Geoalcali enpresa berezia da. Egoitza nagusia Iruñean du, baina hari finantza arnasa ematen dion kapitala munduaren beste aldetik dator, Australiakoak baitira akziodun nagusiak.

6 days ago | berria.eus | Joxerra Senar

Zubiak oharkabean igaro ohi dira maiz. Hor daude. Bi ibaiertz elkartzeko soilik balio dutela ematen du. Alta, horregatik dira funtsezkoak eta zerbaitegatik estrategikoa izaten da gerrateetan zubiak hartzea edo birrintzea. Nafarroan, orotariko zubiak daude. Harrizkoak, metalezkoak, egurrezkoak, erromatarrek eraikitakoak, Erdi Arokoak, modernoagoak, errepidea gurutzatzekoak... Bada beste zubi bat, ikusten ez dena, baina komunikatzeko eta elkar ulertzeko balio handia duena: euskara.

1 week ago | berria.eus | Joxerra Senar

Krisi hotsak Nafarroako PPn. Iragan legealdian Navarra Suma taldeko parlamentari izan zen Jose Suarez, PPko ordezkari gisa. Suarezek alderdia utzi du eta bere agurrean gogor kritikatu du Javier Garcia alderdiko buruzagia. «Politikan motibatzen nauten balio politikoak falta zaizkio: zintzotasuna, zorroztasuna, koherentzia eta bokazioa», idatzi du X sare sozialean. Ana Beltranen agintaldian PPko idazkari nagusi izan zen Suarez.

1 week ago | berria.eus | Joxerra Senar

Sorionekuak  mugimenduak duela hiru hilabete aurreratutako deialdia hankaz gora jarri du eguraldi txarrak. Aemet meteorologia zentroak bihar arratsalderako aurreikusi du ekaitz bortitza egingo duela Iruñean. 17:30ean Sorioneku mugimenduak Ireki ateak euskarari lelopean manifestazioa zuen iragarrita Iruñeko Trinitarioetan, eta Aemetek ordu horretan metro karratuko 11 litro euri bota dezakeela iragarri duenez, Sorionekuak mugimenduak bertan behera utzi du arratsaldeko mobilizazioa.

1 week ago | berria.eus | Joxerra Senar

Itzulinguru askoren ostean, Nafarroako Gobernuak onartu egin du lanpostu elebidun kopurua handitzen duen foru dekretua. Hala, euskararen ezagutza eskatuko da beste 258 lanpostutan. Neurri horri esker %3tik %5era handituko da Nafarroako Gobernuan hizkuntz eskakizuna duten lanpostu kopurua. Horregatik, euskarazko arretari begira «oso urrats garrantzitsua da», Euskarabidea Euskararen Nafar Institutuaren iritziz.