Onintza Enbeita

Muxika

Editor at Berria

Emaitza oso desberdina lortzen baitu arrautza barrutik apurtzen dakienak.

Featured in: Favicon

berria.eus

Articles

Medikuak

Nov 21, 2024 | berria.eus | Onintza Enbeita

Azkenaldian mediku asko ikusi ditut. Espezialitate askotakoak. Hala tokatu da. Asko izan dira euskaldunak, baina euskaraz agurtzeko gai ez direnak edo gogorik ez dutenak ere makina bat. Denekin izan naiz edukatua eta errespetutsua. Batzuetan ez dudalako eztabaidarako gogorik izan, beste batzuetan oso zaurgarri sentitu naizelako kontsulta barruan, eta inoiz kontsulta ez delako nirea izan. Laguntzera baino ez noanean, kontsultarako deitu diotenak hitz egin dezan uzten dut.
'Sarri, Sarri'

Nov 20, 2024 | berria.eus | Onintza Enbeita

Ez dakit zer pasatzen den azken aldi honetan, baina zer eta non kantatu ondo aukeratu behar da. Faxistek telebista publikoko orduak betetzen dituzten bitartean, ezin da Martutenen Sarri, Sarri kantatu. Uler dezaket badirela biktimak mindu egiten dituzten gauzak, baina ez dakit Joseba Sarrionandiaren eta Angel Pikabearen ihesa gogoratzen duen kantua horietako bat denik.
Parte hartzea

Nov 19, 2024 | berria.eus | Onintza Enbeita

Parte hartzearen inguruko ikerketa baten harira, galdetegi bat bete genuen astelehenean Gernikan. Itaunek errazak ziruditen, baina tarteka, ez nuen oso ondo jakin zer erantzun: zergatik parte hartzen dugun gizarte mugimenduetan, zergatik ez dugun parte hartzen ez parte hartzea erabakitzen dugun ekimenetan, zer den parte hartzetik garrantzitsuena, nola baloratuko genukeen batetik hamarrera gure parte hartzea… Beti esan izan dut parte hartzea ez dela ikuslea izatea.
Ke-bonbak

Nov 5, 2024 | berria.eus | Onintza Enbeita

Askotan ikusi dugu jendea plaza publikotik desagertzen. Batzuek azaldu egin digute zergatik eta beste batzuek ez, eta sarritan pentsatu dut norberarena baino ez dela arrazoiak emateko edo gordetzeko hautua. Azken batean, oso pertsonalak izan daitezke agertokietatik jaisteko arrazoiak, eta batek ez ditu beti publikoaren aurrean paparra irekitzeko baldintza psikologiko egokiak aurkitzen. Hala ere, badira pertsonalak ez diren arrazoiak: kolektiboak direnak.
Lokatza

Nov 4, 2024 | berria.eus | Onintza Enbeita

Metaforikoki ondo gelditzen da lokatzetan gabiltzala esatea. Gustatu egiten zaigu pentsatzea bizitza errazean eroso bainoago bestelako borroketan ari garela; edo ibili izan garela beti. Kontua da lokatzak, benetakoa denean, zikindu egiten duela. Zikindu eta ito. Etxepeak, kaleak eta norbere bizitza osoa basak hartuta ikusten denean, kontsolamendua ia ezinezkoa da.
Gauza ederrak

Oct 29, 2024 | berria.eus | Onintza Enbeita

Jende batek halaxe esan dit: «Nik egin dudan gauzarik onena ama izatea izan da!». Erantzuteko gogoa izaten dut batzuetan: «Nik lehen ere gauza ederrak egin ditut, gero!». Ez dut uste esan nahi dudana ulertuko lidaketenik. Beste batzuentzat bularra ematea baino esperientzia hoberik ez dago. Nik ez daukat burua apurtzeko asmorik: ahal badut, ondo, eta bestela paso. Damutu egin izan naiz zenbaiten aurrean halakoak esateaz.
Elkartasuna

Oct 23, 2024 | berria.eus | Onintza Enbeita

Afari solidarioen bila joaten den jendea ere arriskutsua zaigu. Ez dakit nik ze gizarte eraiki dugun edo telebistak zer saltzen digun, baina zerbaitek huts egiten du. Ikusten dut jendea etxean alarmak jartzen eta haiek jartzeko gomendioa egiten, edo soroetako itxituretan giltzarrapoak ipintzen, eta lotsatu egiten naiz gauez atea giltzaz itxi gabe lo egiten dudala kontatzen.
Desikasteaz

Oct 21, 2024 | berria.eus | Onintza Enbeita

Beste gauza batzuk desikasi ditugunean ikasi dugu ez dugula umerik diagnostikatu behar jaio baino lehen. Hala ere, jendeak mutila edo neska dakardan galdetzen dit, eta ez dut beti asmatzen nola erantzun. Badakit berak erabakiko duela bere generoa, baina bizi garen lekuak eta galdetzen duen jendearen adinak pedagogia egiteko beharra sortzen dit.
Urdaibain ez

Oct 16, 2024 | berria.eus | Onintza Enbeita

Ez dakit zergatik ez diguten Busturialdeko biztanleoi galdetu ea museo bat gehiago nahi dugun eskualdean edo ez. Bide batez, jakin nahi nuke ea zergatik izan behar duen museo horrek Guggenheimen sukurtsal berria. Ez digu inork esan ea zergatik garbitu dituzten Dalia zaharraren inguruko lur kutsatuak, eta ez industrialde zahar osokoak. Museoaren eraikin batetik bestera egingo omen duten bidea badago, eta ez dakit non paseatu ahal izango garen besteok, dena turistaz betetzen dutenean.
Biktimak

Oct 15, 2024 | berria.eus | Onintza Enbeita

Urriaren 12an Gasteizen erdia hartu zuen Guardia Zibilak. Egun batzuk lehenago, Gogora institutuko zuzendaria entzun nuen Euskadi Irratian, esanez ez dagoela bandorik: biktimak daudela. Hau da, ez genituzkeela biktima batzuk gure eta besteak besteen sentitu behar. Buelta asko eman izan diodan gaia da. Biktima guztiak biktima dira. Horraino bai. Hortik aurrera bakoitzak ditugu gure zauriak irekita, bakoitzak gure minak, traumak eta mobidak.