Urtzi Urkizu

Basque Country

Editor at Berria

Berriako kazetaria.

Featured in: Favicon

berria.eus Favicon

vilaweb.cat Favicon

nosdiario.gal

Articles

"Independentzia ezinbesteko konbikzioa da kate publikoetan"

6 days ago | berria.eus | Urtzi Urkizu

Input nazioarteko konferentziaren antolakuntzan parte hartuko du datorren urtean Mauricio Vera Sanchezek (Pereira, Kolonbia, 1972). Arretaz erreparatu die asteon Bilboko Euskalduna jauregian egin dituzten jardunaldiei. Zer iruditu zaizu Bilboko konferentzia? Bigarren aldia da Input konferentziara joaten naizena. Iaz Charlestonen izan nintzen, AEBetan. Nire asmoa da ikus-entzunezko edukiak arautzearen gaia Input konferentziaren parte izatea.
'Noticias de Alava'-k kazetari bati jazarri diola salatu du ELAk

1 week ago | berria.eus | Urtzi Urkizu

ELA sindikatuak salatu du Noticias de Alava egunkariko langile batek jazarpena jasan duela zuzendaritzaren partetik. «Egunkariko bi zuzendarik jazarpen eta errepresalia egoera larria eragin diote langile bati», salatu du sindikatuak. Gaur egun, langile horri gaixo baimena eman diote «gertatutakoagatik». Horiek horrela, sindikatuak taldeko zuzendaritzari eskatu dio «neurri egokiak» hartzeko horrelakorik berriro gerta ez dadin; bide beretik, zuzendari nagusia kargutik kentzeko eskatu du.
'Desagertuta' hilaren 19an estreinatuko du Primeran-ek, eta maiatzaren 21ean Netflixek

1 week ago | berria.eus | Urtzi Urkizu

Ohikoa ez den arren, Desagertuta telesaila aldi berean euskaraz eta gaztelaniaz grabatu zuten Pausoka eta Zebra Producciones ekoiztetxeek. Estreinaldi datak jakinarazi dituzte: Primeran plataformak hilaren 19an estreinatuko ditu euskarazko bertsioaren lehen bi atalak —ondoren atal berri bat sareratuko dute, astero—; eta Netflix plataformak gaztelaniazko bertsioa maiatzaren 21ean estreinatuko du. Fikzioa zortzi atalez osatuta dago.
EITBk bat egingo du Euskaraldiarekin

1 week ago | berria.eus | Urtzi Urkizu

EITB taldeko telebistek, irratiek eta plataforma digitalek arreta berezia jarriko dute datozen egunetan Euskaraldian. Maiatzaren 15etik 25era egingo dute aurten Euskaraldia, eta askotariko ekintzak eta emankizunak egingo ditu EITBk.Hilaren 15ean, lehen egunean, hiriburuetako hasiera ekitaldiak emango dituzte ETBk eta Euskadi Irratiak. Hilaren 26an, Euskaraldiaren sustatzaileek balorazio agerraldia egingo dute, eta EITBk zuzenean emango du hori ere.
Ez dago dena asmatua

1 week ago | berria.eus | Urtzi Urkizu

Bada lelo bat esaten duena dena asmatua dagoela. Baina egunotan Bilboko Euskalduna jauregian ikusi ahal izan da ikus-entzunezkoetan oraindik ez dagoela dena asmatua. Irudimenez betetako saio ugari ikusi ahal izan dira Input telebista publikoen konferentzian. Taiwanen, adibidez, sukaldaritza saioei bira bat eman diote: Chef's Unexpected Landing: Hakka Kitchen saioan, askotariko osagaiak erabili dituzte hakka herriaren gastronomia ikus-entzuleei gerturatzeko.
Israel Eurovisionetik at uzteko eskatu dute dozenaka artistek

1 week ago | berria.eus | Urtzi Urkizu

Eurovision musika jaialdian parte hartu izan duten 70 artistak baino gehiagok agiri bateratu bat plazaratu dute, eta eskatu dute Israel jaialdi horretatik at uzteko. Maiatzaren 13tik 17ra egingo dute Eurovision, Suitzako Basilea hirian, eta agiria sinatu duten artistek salatu dute Israel Gazan egiten ari den «genozidioaren konplizea» dela Israelgo telebista publikoa.
ETB munduko profesionalen aurrean

1 week ago | berria.eus | Urtzi Urkizu

Zer aurkeztu du eta zer mezu eman du Euskal Telebistak munduaren aurrean? Jakinmina izango du batek baino gehiagok. Unai Iparragirre ETBko zuzendaria eta Gorka Garcia ETBko Arte eta Programa zuzendaria gaur mintzatu dira Bilboko Euskalduna jauregian, Input nazioarteko konferentzian, hainbat herrialdetako kate publikoen ordezkarien aurrean. Iparragirrek lau estategia eremu nabarmendu ditu: «Euskal frame-a (euskal identitatea), kultura, euskara eta zerbitzu publikoa».
Pantailetan euskaraz bizitzeko tenorean

1 week ago | berria.eus | Urtzi Urkizu

Euskarazko ikus-entzunezko edukiak sustatzeko aktibazio sozialerako ariketa bat. Hori da Pantailaldia, Pantailak Euskaraz mugimenduaren hitzetan. Gaur hasi eta hilaren 14ra bitartean, bigarren Pantailaldia egingo dute, Euskaraz ikus-entzunez egingo dugu! lelopean. Lehen Pantailaldia 2022ko azaroan egin zuten. Orduz geroztik izan dira mugimendu batzuk sektorean, baina badira kezka pizten duten datuak ere.
Kolpe odoltsuak kate publikoetan

1 week ago | berria.eus | Urtzi Urkizu

Christian Jungwirth The Kelt Alemaniako arte martzialen borrokalariak odolez estalia du aurpegia. Aurkariak gogor hartu du, baina ez du etsi, eta lehian jarraitu du. Gaztetan futbolaria zen, eta orain zale sutsuak ditu MMA arte martzialetako diziplinan. Bera da The Kelt-The Last Warrior form the Ipf dokumental saioaren protagonista. Alemaniako SWR kate publikoaren saio bat da. Input nazioarteko konferentzian ikusi ahal izan da gaur, Bilboko Euskalduna jauregian.
Egutegi (alternatibo) bat Pantailaldirako

1 week ago | berria.eus | Urtzi Urkizu

Asteartean hasi eta hilaren 14ra bitartean, Pantailaldian murgiltzeko deia egingo du Pantailak Euskaraz mugimenduak. Hainbat baliabide bidali dizkiete izena eman dutenei. Eta egutegi bat proposatu dute, egun bakoitzean zer egin iradokitzeko. Pantailen artetik tarte honetan, berriz, beste egutegi (alternatibo) bat proposatzeko ausardia. Edo lotsa falta. Tira ba, hor doa BERRIAko tarte honetakoa:Hasteko, maiatzaren 6an, zer hoberik zinemara joatea baino.