Urtzi Urkizu

Basque Country

Editor at Berria

Berriako kazetaria.

Featured in: Favicon

berria.eus Favicon

vilaweb.cat Favicon

nosdiario.gal

Articles

Gai unibertsalak, musika klasikoaren bitartez

1 week ago | berria.eus | Urtzi Urkizu

Harkaitz Cano idazlea New York hiriaz hizketan hasi da. «Idaztera joan nintzen, ikustera zer zen idaztea. Beraz, idazle egin ninduen hiria izan zen, nolabait...». Bidaiaz eta nostalgiaz mintzo da idazlea. Joseina Etxeberria esatariak, berriz, Ludwig van Beethoven musikariaren Schinsucht (Nostalgia) pieza aurkeztu du, ahots eta pianorako lieda. Gai unibertsalak eta musika klasikoa aurrez aurre jartzen ditu Bi ahotsetan podcast berriak.
Gaztetasunez betetako telebista ikuskizun bat

1 week ago | berria.eus | Urtzi Urkizu

Aitziber Grados aurkezleari erronka handia jarri diote Hiru Damatxo ekoiztetxekoek: late night show bat aurkeztea, jendaurrean. BERRIA bi atalen grabaketan izan da, Donostiako Gazteszenan, eta erronkari graziaz eta zirikatzaile erantzun diola esan daiteke. ETB1 kateak hilaren 24an estreinatuko du Linbo, ostegun gauetan emango duen telebista ikuskizuna. Gaztetasunez eta umorez betetako saio bat da, grabaketetan ikusi denez.
Ertzainak hika

1 week ago | berria.eus | Urtzi Urkizu

Jakina da ertzainen gomazko pilotek hil zutela Rosa Zarra, 1995ean. Jakina da ertzainen pilotakadek hil zutela Iñigo Cabacas, 2012an. Ez du askorik asmatuko esaten duenak fikzioan poliziak modu batean ageri direla eta errealitatean bestelakoak direla. Nonbait irakurritakoa da zinema eta telesailak direla munduan polizia «zuritzeko» tresnarik indartsuenak. Baina behin hori gogoratuta, beste ikustaldi bat merezi du 1999. urteko Ertzainak telesailak.
'Nork Nori Noiz?' podcasta, Badalaben eskutik

1 week ago | berria.eus | Urtzi Urkizu

Errenterian (Gipuzkoa) dago Badalab hizkuntza berrikuntzako laborategia, eta askotariko egitasmoak dituzte martxan. Horietako bat Nork Nori Noiz? bideopodcasta da: lehen atalak bideo formatuan ikus daitezke Peertuben, edo entzun Baleafunk plataforman. «Badalabek sare libre eta deszentralizatuen alde egiten duenez apustua, oraingoz hor soilik daude atalak argitaratuta», azaldu du Goiatz Oiartzabalek, Badalabeko zuzendari nagusiak.
Urteko fenomeno

1 week ago | berria.eus | Urtzi Urkizu

Ahoz aho dabil azkeneko asteetan. Ahoz aho herritarren artean, baina baita politikari eta agintarien artean ere. «Telesail honek argi ematen du hainbat gairen inguruan, hain justu jende askok nola erantzun ez dakien gaien inguruan», esan zuen duela egun batzuk Erresuma Batuko lehen ministro Keir Starmerrek. Etxeetako pantailetatik harago ari da zabaltzen Adolescence telesaila (Netflix), eta Erresuma Batuko erakundeek aukera eman dute bigarren hezkuntzako ikastetxeetan fikzio hori doan ikusteko.
Euskal Herria Batera-ren kultur ekitaldia emango du EITBk Internet bidez

2 weeks ago | berria.eus | Urtzi Urkizu

Aberri Eguna elkarrekin ospatzeko eremu bat landu du azkeneko urteetan Euskal Herria Batera ekimenak, eta ostiral honetarako kultur ikuskizun bat antolatu dute Donostiako Kursaalean. Bertara joan ezin dutenek ikuskizuna EITBren webgunean eta EITBren Youtubeko kanalean ikusi ahalko dute zuzenean, etzi, 19:00etan hasita. Gainera, ekitaldia amaitu ostean, EITB taldeak bere Nahieran zerbitzuan jarriko du, herritarrek noiznahi eta nonahi ikusi ahal izateko.
Jaurlaritzak 3,4 aldiz publizitate gehiago jartzen du ETB2 katean ETB1en baino

2 weeks ago | berria.eus | Urtzi Urkizu

PP alderdiko legebiltzarkide Ana Moralesek egin zuen galdera, eta Ibone Bengoetxea Eusko Jaurlaritzako Kultura eta Hizkuntza Politikako sailburuak eman zituen erantzunak eta datuak. Publizitatearekin lotutako datuak dira batzuk, eta Makusi plataformarekin lotutakoak besteak. Nork bere irakurketak egin ditzake datuen inguruan, baina honako hau bada esanguratsua: 2024. urtean, Jaurlaritzak ETB1en publizitateagatik txertatutako diru sarrerak 630.481,37 eurokoak izan ziren telebista publikoarentzat.
Furgoneta kanperizatu onenaren bila hasi da Hamaika Telebista

2 weeks ago | berria.eus | Urtzi Urkizu

«Ibilgailu edo furgoneta kanperizatu bat al duzu? Eta telebistan erakutsi nahi al duzu? Hau da zure aukera!». Modu horretan egin die deialdia herritarrei Hamaika Telebistak, Hamaikanper lehiaketarako partaideak lortzeko asmoz. Saio berri hori estreinatuko du euskarazko kateak maiatzean, eta Euskal Herriko ibilgailu kanperizatu onenak aurrez aurre lehiatuko dira. Simon Macias @simonmontxu eduki sortzaile ezagunak gidatuko du programa.
Erbestean naziak zelatatzen

2 weeks ago | berria.eus | Urtzi Urkizu

Erbestera joan ziren euskal herritar ugari 36ko gerraren garaian, baita ondorengo urteetan ere. Amerikara, haietako asko. Eta horietako batzuek espioi lanak egin zituzten Ameriketako Estatu Batuetako segurtasun zerbitzuentzat eta zerbitzu sekretuentzat. 1940ko hamarkadan gertatu zen hori, Bigarren Mundu Gerraren garaian. Jeltzale batzuk naziak eta haien aldekoak zelatatzen aritu ziren, informazioa estatubatuarrei emateko.
Maiatzaren 6tik 15era egingo dute Pantailaldia

2 weeks ago | berria.eus | Urtzi Urkizu

Pantailak Euskaraz mugimenduak Pantailaldia antolatu du bigarren aldiz, duela bi urteko harrera beroaren ostean. Euskarazko ikus-entzunezko edukiak sustatzeko, aktibazio sozialerako ariketaren bigarren aldia maiatzaren 6tik 15era egingo dute. Hain justu, Euskaraldia hasi aurretik. Euskarazko hedabide digital askoren babesa izango du Pantailaldiak, eta jadanik irekita dago bertan herritarrek izena emateko epea.