Tuairisc

1 month ago | tuairisc.ie | Alan Titley

Ba dhána an mhaise do Tuairisc a iarraidh orainn na leabhair ba thábhachtaí Gaeilge sa chéad seo (a bhfuil an ceathrú cuid de caite cheana) a chur os ard. Seo de dheasca na háiféise is déanaí de chuid an Irish Times a mhúscail go leor cainte nuair nár luadh oiread is leabhar Gaeilge amháin den 100 leabhar Éireannach ab fhearr ón mbliain 2000 i leith. Níorbh fhéidir, toisc gan aon Ghaeilge a bheith ag 92% de na breithiúna.

1 month ago | tuairisc.ie | Alan Titley

Ní hé gnó an cholúin seo léirmheas a scríobh ar úrscéalta Béarla ach ar leabhair Ghaeilge a bhí imithe, b’fhéidir, i ngan fhios do dhaoine. Ach sa chás seo ceadóidh mé an eisceacht dom féin. Is é cúis atá leis ná go bhfuil na heachtraí ann suite ar oileán Gaeltachta agus go bhfuil na díospóireachtaí síoraí mar gheall ar an nGaeilge, ar an nGaeltacht, ar na hoileáin, ar thraidisiún, ar nua-aimsearthacht agus eile mar phríomhchúram an scéil.

1 month ago | tuairisc.ie | Pól Ó Muirí

Tír BheagGaël FayeLeagan Gaeilge le Antain Mac LochlainnFoilsithe ag BarzazBa é Tír Bheag an chéad úrscéal de chuid an scríbhneora, Gaël Faye, agus bronnadh duaiseanna liteartha go leor air as a shaothar. Ach b’fhéidir gurb é an moladh ab fhearr a fuair an leabhar gur díoladh os cionn 700,000 cóip de nuair a foilsíodh sa Fhraincis é mar Petit Pays sa bhliain 2016.

2 months ago | tuairisc.ie | Alan Titley

D’fhoilsigh Arlen House sé leabhar filíochta i dteannta a chéile ag deireadh na bliana seo caite. Is fiú aird a thabhairt ar an méid sin óir teach foilsitheoireachta is ea Arlen House atá ag dul ó neart go neart maidir le soláthar leabhar Gaeilge de, filíocht go háirithe, uaireanta dhátheangach, uaireanta sa Ghaeilge amháin. I measc na sé leabhar sin bhí Lámha Bána agus Dánta Eile le Micheál Ó Conghaile.

2 months ago | tuairisc.ie | Alan Titley

Alan TitleySáinnithe: Scéal ÍobartaighPeadar G. Ó MáilleCló Iar-Chonnacht, €15Leabhar uafásach is ea é seo. Nó ba chirte a rá, leabhar uafáis é. Nó leabhar a chuirfidh uafás ort. Is amhlaidh atá toisc gur tuairisc lom gharbh amh den tslí ar baineadh mí-úsáid ghnéis as aon bhuachaill óg amháin, mar a chuaigh sin i bhfeidhm air i gcaitheamh a shaoil, fara cuntas cuimsitheach ar chúlra agus ar stair na mblianta léanmhara sin nuair a bhí bearta gránna á ndéanamh i bhfios agus i ngan fhios don saol.