-
2 months ago | 
ruralindiaonline.org | Muzamil Bhat |Sarbajaya Bhattacharya |Rajeeve Chelanat
“ബഡ്ജറ്റൊക്കെ ഉദ്യോഗസ്ഥർക്കുള്ളതാണ്” എന്നാണ് അലി മൊഹമ്മദ്ലോണിന്റെ വിശ്വാസം. അതായത്, മദ്ധ്യവർഗ്ഗക്കാരായ സർക്കാർ ഉദ്യോഗസ്ഥർക്ക്. തന്നെപ്പോലുള്ളവർക്ക്താത്പര്യം തോന്നിപ്പിക്കുന്ന ഒന്നും അതിലില്ലെന്നാണ്, കശ്മീരിലെ ബാരാമുല്ല ജില്ലയിലെആ ചെറുകിട ബേക്കറിയുടമസ്ഥൻ അർത്ഥമാക്കുന്നത്. “2024-ൽ 50 കിലോഗ്രാം ധാന്യപ്പൊടി ഞാൻ 1,400 രൂപയ്ക്കാണ്വാങ്ങിയത്. ഇന്നതിന് 2,200 രൂപയാണ്,” തംഗ്‌മാർഗ് ബ്ലോക്കിലെ മാഹീൻ ഗ്രാമത്തിലിരുന്ന്ഞങ്ങളോട് സംസാരിക്കുകയായിരുന്നു 52 വയസ്സുള്ള അലി.
-
2 months ago | 
ruralindiaonline.org | Umesh Kumar Ray |Rajeeve Chelanat
ബഡ്ജറ്റൊക്കെ പുരുഷന്മാരുടെ കാര്യങ്ങളാണെന്നാണ് അഞ്ജനാ ദേവിയുടെ പക്ഷം. “അവർക്ക് മാത്രമേ അതിനെക്കുറിച്ചൊക്കെ അറിയൂ. എന്റെ ഭർത്താവ് വീട്ടിലില്ല”, അവർ പറയുന്നു. എന്നാൽ വീട്ടിലെ വരവുചിലവുകളെല്ലാം കൈകാര്യം ചെയ്യുന്നത് അവരാണ്. ചാമർ എന്ന പട്ടികജാതി സമുദായത്തിലെ അംഗമാണ് അവർ. “ബഡ്ജറ്റോ!” പുതിയ പ്രഖ്യാപനങ്ങളെക്കുറിച്ച് താൻ വല്ലതും കേട്ടിരുന്നോ എന്ന് അവർ ഒന്ന് സംശയിച്ചു. “ഇല്ല, ഞാൻ കേട്ടില്ല,” അവർ പറയുന്നു.
-
Jan 16, 2025 | 
ruralindiaonline.org | Sarbajaya Bhattacharya |Binaifer Bharucha |Rajeeve Chelanat
തേജ്‌ലിബായി ധേദിയ സാവകാശം അവരുടെ സ്വന്തം നാടൻവിത്തുകളിലേക്ക് മടങ്ങുകയാണ്. കഷ്ടിച്ച് 15 വർഷം മുമ്പാണ്, മധ്യ പ്രദേശിലെ അലിരാജ്പുർ, ദേവാസ് ജില്ലകളിലെ തേജ്‌ലി ഭായിയെപ്പോലുള്ള ഭിൽ ആദിവാസികൾജൈവകൃഷിയിലൂടെ അവർ വളർത്തിയെടുത്ത തനത് വിത്തുകളിൽനിന്ന്, രാസവളപ്രയോഗങ്ങളിലൂടെ സങ്കര വിത്തുകളിലേക്ക് മടങ്ങിയത്. അതിലൂടെ, സ്വന്തമായ വിത്തിനങ്ങൾ നഷ്ടപ്പെട്ടുവെന്ന്, തേജ്‌ലിബായി പറയുന്നു. “ഞങ്ങളുടെ പരമ്പരാഗത കൃഷി സമ്പ്രദായംധാരാളം അദ്ധ്വാനം ആവശ്യമുള്ള ഒന്നാണ്.
-
Jan 11, 2025 | 
ruralindiaonline.org | Priti David |Sarbajaya Bhattacharya |Rajeeve Chelanat
“മുളക്, വെളുത്തുള്ളി, ഇഞ്ചി...പടവലങ്ങയുടെ ഇലകൾ, കയ്പ്പക്ക..ശർക്കര” ഈ ഇഞ്ചിയും, വെളുത്തുള്ളിയും, കയ്പ്പയ്ക്കയുമൊക്കെ ഭക്ഷണത്തിനുള്ള ചേരുവയല്ല. മറിച്ച്, ഗുലാബ്‌റാണി സ്വയം നിർമ്മിക്കുന്ന വളവും കീടനാശിനിയുമാണ്. പന്ന ടൈഗർ റിസർവിന്റെ അറ്റത്തുള്ള ചുങ്കുണ ഗ്രാമത്തിലാണ് അവരിതൊക്കെ വാറ്റുന്നത്. ആദ്യമായി ഈ പട്ടിക കേട്ടപ്പോൾ തന്റെ മനസ്സിൽ വന്ന സംശയങ്ങളോർത്ത് ഇന്ന് 53 വയസ്സായ അവർ ഉറക്കെ പൊട്ടിച്ചിരിക്കുന്നു. “ഞാൻ ആലോചിച്ചു, എവിടെനിന്ന് കിട്ടാനാണിതൊക്കെ?
-
Jan 10, 2025 | 
ruralindiaonline.org | Shalini Singh |Rajeeve Chelanat
ന്യൂ ദില്ലിയിലെ പഴയ യമുന ബ്രിഡ്ജ്, അഥവാ, ലോഹ പുൽ നിവാസിയാണ് മുപ്പതുകളുടെ തുടക്കത്തിലെത്തിയ ഗണേഷ് പണ്ഡിറ്റ്. തന്റെ സമുദായത്തിലെ ചെറുപ്പക്കാർ ഇപ്പോൾ, നീന്തൽ പരിശീലകരായും, സമീപത്തുള്ള ചാന്ദ്നി ചൌക്കിലെ വ്യാപാരസ്ഥാപനങ്ങളിലെ ജോലിക്കാരായും ‘മുഖ്യധാര’യിലേക്ക് പോകാ‍നാണ് അധികവും താത്പര്യപ്പെടുന്നത് എന്ന് ഗണേഷ് പറയുന്നു. ദില്ലിയിലൂടെ ഒഴുകുന്ന യമുന, ഗംഗാനദിയുടെ ഏറ്റവും നീളമുള്ളതും, വെള്ളത്തിന്റെ അളവിൽ, ഘഗ്ര കഴിഞ്ഞാൽ രണ്ടാം സ്ഥാനത്തുള്ളതുമായ കൈവഴിയാണ്.
-
Jan 3, 2025 | 
ruralindiaonline.org | Umesh Kumar Ray |Rajeeve Chelanat
തേക്ക് മരത്തിന്റെബലമുള്ള കൊമ്പിൽ ചുരുണ്ടുകിടക്കുകയായിരുന്നു ആ രാജവെമ്പാല. രത്തി തോല ഗ്രാമത്തിലെ ആളുകൾപഠിച്ച പണി പതിനെട്ടും നോക്കിയിട്ടും അത് അനങ്ങാൻ കൂട്ടാക്കിയില്ല. അഞ്ചുമണിക്കൂറിനുശേഷം,നിസ്സഹായരായ ഗ്രാമീണർ മുണ്ഡ്രിക യാ‍ദവിനെ വിളിച്ചു. അടുത്തുള്ള വാത്മീകി ടൈഗർ റിസർവിലെഗാർഡായിരുന്നു പണ്ട് അദ്ദേഹം. കടുവകൾ, പുലികൾ, കണ്ടാമൃഗങ്ങൾ, പാമ്പുകൾ എന്നിവയടക്കം200-ഓളം മൃഗങ്ങളെ രക്ഷപ്പെടുത്തിയിട്ടുണ്ട് ഇതിനകം മുണ്ഡ്രിക. ആദ്യം അതിനെ താഴേക്കിറക്കാനാണ്മുണ്ഡ്രിക ശ്രമിച്ചത്. അത് വിജയിച്ചു.
-
Dec 28, 2024 | 
ruralindiaonline.org | Muzamil Bhat |Rajeeve Chelanat
“ആദ്യമായി ഒരു ഹംഗുലിനെ കണ്ടപ്പോൾ, അത്ഭുതംകൊണ്ട്എനിക്ക് അനങ്ങാൻ‌പോലും കഴിഞ്ഞില്ല,” ഷബിർ ഹുസൈൻ ഭട്ട് പറയുന്നു. കശ്മീരിന്റെ സവിശേഷതയും,വലിയ വംശനാശ ഭീഷണി നേരിടുകയും ചെയ്യുന്ന ആ മാൻ വർഗ്ഗത്തെ ( സെർവസ്ഇലാഫസ് ഹംഗുലു ) കാണാൻ ആ സ്ഥലത്തേക്ക് പിന്നീട് അദ്ദേഹം ഇടയ്ക്കിടയ്ക്ക് വരാൻ തുടങ്ങി. ഏകദേശം 20 വർഷത്തിനുശേഷവും, ആ 141 ചതുരശ്ര കിലോമീറ്റർസ്ഥലത്തെ പാർക്കിലുള്ള മൃഗങ്ങൾ, പക്ഷികൾ, വൃക്ഷങ്ങൾ, പൂക്കൾ എന്നിവയോടുള്ള തന്റെ അഭിനിവേശംഒട്ടും മങ്ങിയിട്ടില്ലെന്ന് അദ്ദേഹം സാക്ഷ്യപ്പെടുത്തുന്നു.
-
Dec 26, 2024 | 
ruralindiaonline.org | Ashwini Shukla |Rajeeve Chelanat
വീട്ടിലെ ജനലിലൂടെനോക്കിയാൽ കാണുന്നദൂരമത്രയും വെള്ളമാണ്. ഈവർഷത്തെ പ്രളയജലം ഒഴിഞ്ഞുപോയിട്ടില്ല. സുബൻസരി പുഴയുടെ ഒരു കിലോമീറ്റർഅകലെയാണ് രൂപാലി പെഗു താമസിക്കുന്നത്. അസമിന്റെ വലിയൊരു ഭൂഭാഗത്തെപ്രളയത്തിൽ മുക്കുന്ന ബ്രഹ്മപുത്രയുടെ ഒരു സുപ്രധാന കൈവഴിയാണ്ആ നദി. വിരോധാഭാസമെന്ന് തോന്നാം,ചുറ്റും വെള്ളമാണെങ്കിലും, കുടിവെള്ളംകണ്ടെത്തൽ ഒരു വലിയ വെല്ലുവിളിയാണെന്ന് അവർ പറയുന്നു. അസമിലെലൊഖിം‌പുർ ജില്ലയിലെബോർദുബി മലുവൽ ഗ്രാമത്തിലെ കുടിവെള്ളംമലിനമാണ്.
-
Dec 24, 2024 | 
ruralindiaonline.org | Rajeeve Chelanat
“വെള്ളം വാങ്ങൂ, വെള്ളം” കേട്ട പാടെ വെള്ളം സൂക്ഷിക്കാനുള്ള പാത്രവുമായി ഓടിച്ചെല്ലേണ്ട. ഈ വാട്ടർ ടാങ്കർ തീരെ ചെറുതാണ്. പ്ലാസ്റ്റിക്ക് ബോട്ടിലും, ഒരു പഴയ റബ്ബർ ചെരുപ്പും, ഒരു പ്ലാസ്റ്റിക്ക് പൈപ്പും മരത്തിന്റെ കഷണങ്ങളുംകൊണ്ട് ഉണ്ടാക്കിയ ഈ ‘ടാങ്കറി’ൽ ഒരു ഗ്ലാസ് വെള്ളമേ കൊള്ളൂ. ബൽ‌വീർ സിംഗ്, ഭവാനി സിംഗ്, കൈലാസ് കൻ‌വർ, മോട്ടി സിംഗ് – എല്ലാവരും സൻ‌വാതയിലെ കുട്ടികളാണ്. 5-നും 13-നും ഇടയിൽ പ്രായമുള്ള കുട്ടികൾ.
-
Dec 22, 2024 | 
ruralindiaonline.org | Ritayan Mukherjee |Rajeeve Chelanat
സത്ജേലിയയിലെ പോസ്റ്റ് ഓഫീസ് പെട്ടെന്ന് കണ്ണിൽ‌പ്പെടില്ല. ഒരു മൺകുടിലിലാണത് പ്രവർത്തിക്കുന്നത്, പുറത്ത് തൂക്കിയിട്ടിരിക്കുന്ന ചുവന്ന എഴുത്തുപെട്ടി മാത്രമാണ് ഒരേയൊരു അടയാളം. പശ്ചിമ ബംഗാളിലെ 24 പർഗാന ജില്ലയിലെ 80 വർഷം പഴക്കമുള്ള ഈ പോസ്റ്റോഫീസ്, ഏഴ് പഞ്ചായത്തുകൾക്കാണ് സേവനം നൽകുന്നത്. സുന്ദർബനിൽ നാശം വിതച്ച ആയില, അംഫാൻ കൊടുങ്കാറ്റുകളെ അത്ഭുതകരമായിഅതിജീവിച്ചു ഈ ചെറിയ മൺകുടിൽ. പോസ്റ്റോഫീസിൽ സേവിംഗ്സ് അക്കൌണ്ടുള്ള അന്നാട്ടുകാരിൽ പലർക്കും ആശ്രയമാണ് ഈ പോസ്റ്റോഫീസ്.
